|
|
|||
| SC. MEMMIANUM Decree of the Senate on the abuse of adoptions ( AD 62 ? ) |
|||
|
|||
| Nero | |||
|
|||
| Digesta, XXXI, 51 ( Mommsen & Krueger, Berlin, 1954 ). |
|||
|
1 [ Ulpianus ]. Is
cui in tempus liberorum tertia pars relicta est, utique non poterit
adoptando tertiam partem consequi. |
|||
| Digesta, XXXV, 1 ( Mommsen & Krueger, Berlin, 1954 ). |
|||
| 76 [ Papinianus ]. Fideicommissum
a filiis relictum "si quis ex his sine liberis diem suum obierit"
adoptionis commento non excluditur. |
|||
| Tacitus, Annales, XV, 19 ( Fisher, Oxford, 1906 ). |
|||
| Percrebuerat
et tempestate pravus mos, cum propinquis comitiis aut sorte provinciarum
plerique orbi fictis adoptionibus adsciscerent filios, praeturasque
et provincias inter patres sortiti statim emitterent manu, quos adoptaverant.
[igitur qui filios genuerant] magna cum invidia senatum adeunt, ius
naturae, labores educandi adversus fraudem et artes et brevitatem adoptionis
enumerant. satis pretii esse orbis, quod multa securitate, nullis oneribus
gratiam honores, cuncta prompta et obvia haberent. sibi promissa legum
diu exspectata in ludibrium verti, quando quis sine sollicitudine parens,
sine luctu orbus longa patrum vota repente adaequaret. factum ex eo
senatus consultum, ne simulata adoptio in ulla parte muneris publici
iuvaret ac ne usurpandis quidem hereditatibus prodesset. |
|||
 |
