SCC. HOSIDIANUM ET VOLUSIANUM
  
DE AEDIFICIIS NON DIRVENDIS
  
Decrees of the Senate on the destruction of buildings
  
( AD 44-46 and 56 )
 
 
( P. F. Girard & F. Senn, Les lois des Romains, Napoli, 1977, pp. 320-322, n. 13 ).
  
 
I.
        Cn. Hosidio Geta, L. Vagellio cos. | X k. Octobr. S. C. |
        Cum prouidentia optumi principis tectis quoque urbis nostrae et totius Italiae aeternitati prospexerit, quibus || ipse non solum praecepto augustissimo sed etiam exsemplo | suo prodesset, conueniretq(ue) felicitati saeculi instantis | pro portione publicorum operum etiam priuatorum custodia | deberentque apstinere se omnes cruentissimo genere | negotiationis, nec inimicissimam pace faciem inducere || ruinis domum uillarumque, placere : si quis negotiandi causa | emisset [quod]quod aedificium, ut diruendo plus adquireret quam | quanti emisset, tum duplam pecuniam, qua mercatus eam rem | esset, in aerarium inferri, utiq(ue) de eo nihilo minus ad senatum| referretur. Cumque aeque non oporteret malo exsemplo uendere quam || emer[e, u]t uenditores quoque coercerentur, qui scientes dolo malo | [co]ntra hanc senatus uoluntatem uendidissent, placere : tales | uenditiones inritas fieri. Ceterum testari senatum domini[s nihil] | constitui, qui rerum suarum possessores futuri aliquas [partes] earum mutauerint, | dum non negotiationis causa id factum [sit]. ||
        Censuere. In senatu fuerunt CCCLXXXIII. |
II.
        Q. Volusio, P. Cornelio cos. VI non. Mart. S. C. |
        Quod Q. Volusius, P. Cornelius uerba fecerunt de postulatione necessari[orum] | Alliatoriae Celsillae, q(uid) d(e) e(a) r(e) f(ieri) p(laceret),
        d(e) e(a) r(e) i(ta) c(ensuerunt) : |
        Cum S. C., quod factum est Hosidio Geta et L. Vagellio cos. clarissimis uiris, ante d[iem X] k. || Oct. auctore diuo Claudio, cautum esset, ne quis domum uillamue dirueret, qu[o plus] | sibi adquireret, neue quis negotiandi causa eorum quid emeret uenderetue, | poenaq(ue) in emptorem, qui aduersus id S. C. fecisset, constituta esset, [ut] | qui quid emisset duplum eius quanti emisset in aerarium inferre cogere|tur et eius qui uendidisset inrita fieret uenditio, de iis autem, qui rerum || suarum possessores futuri aliquas partes earum mutassent, dum modo | non negotiationis causa mutassent, nihil esset nouatum ; et necessari | Alliatoriae Celsillae, uxoris Atilii Luperci ornatissimi uiri, exposuis|sent huic ordini, patrem eius Alliatorium Celsum emisse fundos cum aedificis in | regione Mulinensi, qui uocarentur campi Macri, in quibus locis mercatus agi supe||rioribus solitus esset temporibus, iam per aliquod annos desisset haberi, aeque | aedificia longa uetustate dilaberentur neque refecta usui essent futura, quia neque | habitaret in iis quisquam nec uellet in deserta ac ruentia commigrare : ne quid | fraudi multae poenaeq(ue) esset Celsillae, si ea aedificia, de quibus in hoc ordine actum | esset, aut demolita fuissent, aut ea condicione siue per se siue cum agris uendi||disset, ut emptori sine fraude sua ea destruere tollereque liceret ; | in futurum autem admonendos ceteros esse, ut apstinerent se a tam foedo genere negotiationis, | hoc praecipue saeculo, quo excitari noua et ornari « in » uniuersa, quibus felicitas orbis terra|rum splenderet, magis conueniret, quam ruinis aedificiorum ullam partem deform[are] | Italiae et adhuc retinere priorum temporum [incuriam quae uniuersa affecisset], || ita ut diceretur senectute actum ... |
        Censuere. In senatu [fuerunt... ]
 


►  Bibliography
 
 
Capaccio, Neapolitanae historiae, Napoli, 1607, l. 2, c. 9 ; Reinesius, Ad viros clarissimos D. Casp. Hoffmannum..., Leipzig, 1660, p. 202 ; Reinesius, Syntagma inscriptionum antiquarum cumprimis Romae veteris..., Leipzig-Frankfurt, 1682, pp. 475-477 ; Doni, Inscriptiones antiquae..., Firenze, 1731, p. 87 ; Gori, Symbolae litterariae..., II, Firenze-Roma, 1748-58, p. 50 ; Giroud, Mémoire historique et critique sur la ville souterraine, découverte au pied du Mont-Vésuve..., Avignon, 1748, pp. 41-43 ; Terrasson, Histoire de la jurisprudence romaine, Paris, 1750, pp. 20-21 ; Orelli, Inscriptionum Latinarum amplissima collectio, II, Zürich, 1828, n. 3115 ; Bachofen, Augewählte Lehren d. röm. Civilrechts, 1848, pp. 185-227 ; Mommsen, Berichte der sächsischen Gesellschaft, Leipzig, 1850, p. 272 ; CIL X (1883), n. 1401 ; Dessau, Inscriptiones Latinae Selectae, Berlin, 1892-1916, n. 6043 ; Liebenam, Städteverwaltung im römischen Kaiserreiche, Leipzig, 1900, pp. 391 ss. ; Bruns, Fontes iuris Romani antiqui, I, Tübingen, 1909, pp. 200-201, n. 54 ; de Pachtère, Mél. Cagnat, Paris, 1912, p. 169 ; May, RHD, 1935, pp. 1-25 ; Arangio-Ruiz, SDHI, 2, 1936, p. 518 ; Riccobono, FIRA I, Firenze, 1941, pp. 288-290, n. 45 ; Wenger, Die Quellen des römischen Rechts, Wien, 1953, p. 287 ; Daube, Law Quarterly Review, 73, 1957, pp. 391-393 ; Johnson, Coleman-Norton & Bourne, Ancient Roman Statutes, Austin, 1961, pp. 142-143, n. 172 ; Phillips, Latomus, 32, 1973, pp. 86-95 ; Garnsey in Finley, Studies in Roman Property, Cambridge, 1976, pp. 123-136 ; Girard & Senn, Les lois des Romains, Napoli, 1977, pp. 320-322, n. 13 ; Ries, Prolog und Epilog in Gesetzen des Altertums, München, 1983, p. 143 ; Jörs, Kunkel & Wenger, Römisches Recht, New York-Berlin-Heidelberg, 1987, p. 152 ; Winter, Staatliche Baupolitik und Baufürsorge in den römischen Provinzen des kaiserzeitlichen Kleinasien, Bonn, 1996, p. 203 ; Dopico Cainzos, Les Études Classiques, 66, 1998, p. 268 ; AE 2000, n. 68 ;  Casinos Mora, Minima Epigraphica et Papyrologica, 3, 2000, p. 136 ; Kunst, Römische Wohn- und Lebenswelten. Quellen zur Geschichte der römischen Stadt. Herausgegeben und erläutert von Christiane Kunst, Darmsatdt, 2000, pp. 141-144, n. 42b ; AE 2001, n. 72 ; Patterson in Lomas & Cornell, Bread and circuses : Euergetism and municipal patronage in Roman Italy, London-New York, 2003, p. 97 ; Pesando & Guidobaldi, Gli ozi di Ercole : Residenze di lusso a Pompei ed Ercolano, Roma, 2006, pp. 154-155 ; Ricci, Gladiatori e attori nella Roma giulio-claudia : Studi sul senatoconsulto di Larino, Milano, 2006, p. 46 ; Marzano, Roman villas in central Italy : A social and economic history, Leiden, 2007, p. 80 ; Weber & Richard, Roman agrarian history in its relation to Roman public & civil law, Claremont, 2008, p. 234 ; Noreña, Imperial Ideals in the Roman West: Representation, Circulation, Power, Cambridge-New York, 2011, p. 95.
 
 
►  Source : Bronze tablet, today lost, discovered at Herculaneum, Italy, in 1600.