---

At enim senatus uniuersus iudicauit illud corruptum esse iudicium. Quo modo ? Suscepit causam. An potuit rem delatam eius modi repudiare ? cum tribunus plebis populo concitato rem paene ad manus reuocasset, cum uir optimus et homo innocentissimus pecunia circumuentus esse diceretur, cum inuidia flagraret ordo senatorius, potuit nihil decerni ? potuit illa concitatio multitudinis sine summo periculo rei publicae repudiari ? At quid est decretum ? quam iuste ! quam sapienter ! quam diligenter ! se qui sunt quorum opera factum sit ut iudicium publicum corrumperetur.

---