VERANIUS    ( 1st century BC )

( P. E. Huschke, Iurisprudentiae anteiustinianae quae supersunt, Leipzig, 1886, pp. 106-107 ).

A u s p i c i o r u m.

1. ‘ Referri diem prodictam, id est anteferri, religiosum est ’, ut ait Veranius in eo, qui est auspiciorum de comitiis, idque exemplo comprobat L. Iulii et P. Licinii censorum, qui id fecerint sine ullo decreto augurum, et ob id lustrum parum felix fuerit. — Fest. v. Referri p. 289.

2. Veranius ait, non utique ex lecto, sed ex cubili (sc. surgere eum silentio, qui auspicaturus sit), nec rursus se in lectum recipere necesse esse. — Fest. v. Silentio p. 348.

3. ‘ Paludati in libris auguralibus significat ’, ut ait Veranius, ‘ armati, ornati ’. omnia enim militaria ornamenta paludamenta dici. — Fest. v. Paludati p. 253.

Q u a e s t i o n u m   p o n t i f i c a l i u m.

4. Veranius enim in pontificalibus quaestionibus docet, eximias dictas hostias, quae ad sacrificium destinatae eximuntur e grege, uel quod eximia specie quasi offerenda numinibus eligantur. — Macrob. Sat. 3, 5. §. 6.

5. Ait enim Veranius de uerbis pontificalibus : ‘ Felices arbores putantur esse quercus, aesculus, ilex, suberies, fagus, corylus, sorbus, ficus alba, pirus, malus, uitis, prunus, cornus, lotus ’. — Macrob. Sat. 3, 20. §. 2.

6.  . . .  sicut Veranius ex primo libro Pictoris etc. — Vid. supra Num. Fabium Pictorem 2.

7. ‘ Praesentanea porca dicitur’, ut ait Veranius, ’quae familiae purgandae causa Cereri immolatur, quod pars quaedam eius sacrificii fit in conspectu mortui eius, cuius funus instituitur ’. — Fest. v. Praesentanea p. 250.

8. Prodiguae hostiae uocantur, ut ait Veranius, quae consumuntur, unde homines quoque luxuriosi prodigi. — Fest. v. Prodiguae p. 250.

9. Offendices ait esse Titius nodos, quibus apex retineatur. At Veranius coriola existimat, quae sint in loris apicis, quibus apex retineatur et remittatur, quae ab offendendo dicantur. nam quom ad mentum peruentum sit, offendit mentum. — Fest. v. Offendices p. 205.

10. Oletum stercus humanum. Veranius : ‘ Sacerdotula in sacrario Martiali fecit oletum ’. — Paul. ep. Fest. p. 203.

11. ‘ Muries est ’, quemadmodum Veranius docet, ‘ ea, quae fit ex sali sordido, in pila pisato et in ollam fictilem coniecto ibique operto gypsatoque et in furno percocto, cui virgines Vestales serra ferrea secto et in seriam coniecto, quae est intus in aede Vestae in penu exteriore, aquam iugem uel quamlibet, praeterquam quae per fistulas uenit, addunt atque ea demum in sacrificiis utuntur ’. — Fest. v. Muries p. 158.

12. Sed Veranius Pontificalium eo libro, quem fecit de supplicationibus, ita ait : ‘ Pinariis, qui nouissimi comeso prandio uenissent, cum iam manus pransores lauarent, praecepisse Herculem, ne quid postea ipsi aut progenies ipsorum ex decima gustarent sacranda sibi, sed ministrandi tantummodo causa, non ad epulas conuenirent ’. — Macrob. Sat. 3, 6. §. 14.