P. MUCIUS SCAEVOLA    ( 2nd century BC )

( P. E. Huschke, Iurisprudentiae anteiustinianae quae supersunt, Leipzig, 1886, pp. 6-7 ).

1. . . . ut si ita respondeas : Quoniam P. Scaeuola id solum esse ambitus aedium dixerit, ’ quom parietis communis tegendi causa tectuni proiiceretur, ex quo in tectum eius, aedes qui protexisset, aqua proflueret, id tibi ius uideri. – Cic., Top. 4 fin.

2. C. Caelius iudex absoluit iniuriarum eum, qui Lucilium poetam in scena nominatim laeserat : P. Mucius eum, qui L. Accium poetam nominauerat, condemnauit. – Auct., ad Herenn. 2, 3. §. 19.

3. Placuit P. Scaeuolae et Coruncanio pontificibus maximis itemque caeteris, qui tantundem caperet, quantum omnes heredes, sacris alligari. Habeo ius pontificium. Quid huc accessit ex iure ciuili ? Partitionis caput, scriptum caute, ut centum nummi deducerentur. Inuenta est ratio, cur pecunia sacrorum molestia, liberaretur. Quid si hoc qui testamentum faciebat, cauere noluisset ? admonet iurisconsultus hic quidem ipse Mucius, pontifex idem, ut minus capiat, quam omnibus heredibus relinquatur : quibus par, dicebant, qui cepisset, adstringi. Rursus sacris liberantur. Hoc uero nihil ad pontificium ius, set e medio est iure ciuili, ut per aes et libram heredem testamenti soluant, et eodem loco res sit, quasi ea pecunia legata non esset, si is, cui legatum est, stipulatus est id ipsum, quod legatum est, ut ea pecunia ex stipulatione debeatur, sitque ea non ’ mortis causa capta. – Cic., de leg. 2, 21. §§. 52. 53.

4. Itaque in eo, qui in naui necatus, deinde in mare proiectus esset, decreuit P. Mucius, familiam puram, quod os supra terram non exstaret, porcam heredi esse contractam, habendas triduum ferias et porco femina piaculum ’ dari. Si in mari mortuus esset, eadem praeter piaculum et ferias. – Cic., de leg. 2, 22. §. 57.

5. – P. Scaeuola pontifex maximus pro collegio respondit : ‘ quod in loco publico Licinia, Gaii filia, iniussu populi dedicasset, sacrum non uiderier ’. – Cic., pro dom. 53. §. 137.