M. MANILIUS    ( 2nd century BC )

( P. E. Huschke, Iurisprudentiae anteiustinianae quae supersunt, Leipzig, 1886, pp. 5-6 ).

A c t i o n u m.

1. Itaque stipulantur paucis exceptis uerbis, ac Manilius scriptum reliquit, sic : ‘ ILLAS CAPRAS HODIE RECTE  ESSE  ET  BIBERE  POSSE  HABEREQVE  RECTE  LICERE, HAEC  SPONDESNE ? ’ – Varro, de r. r. 2, 3. §. 5.

2. Emi solent sic : ‘ ILLASCE  SVES SANAS  ESSE  HABEREQVE  RECTE  LICERE  ’ NOXASQVE  PRAESTARI, NEQVE  DE  PECORE  MORBOSO  ESSE  SPONDESNE ? Quidam adiiciunt : PERFVNCTAS  ESSE  A  FEBRI  ET A  FORIA. ’ – Varro, de r. r. 2, 4. §. 5.

3. Eos cum emimus domitos, stipulamur sic : ILLOSCE  BOVES  SANOS  ESSE  ’ NOXASQVE  PRAESTARI ; cum emimus indomitos, sic : ILLOSCE  IVVENCOS  SANOS  RECTE  DEQVE  PECORE SANO ESSE ’ NOXASQVE PRAESTARI  SPONDESNE ? Paulo uerbosius haec, qui Manilianas actiones sequuntur. –Varro, de r. r. 2, 5. §. 11.

4. Emtio equina similis fere ac boum et asinorum, quod iisdem rebus in emtione dominum mutant, ut in Manilii actionibus perscripta sunt. – Varro, de r. r. 2, 7. §. 6.

5. Nexum Manilius scribit omne, quod per libram et aes geritur, in quo sint mancipia. – Varro, de L, L. 7, 5. §. 105.

6. An partus ancillae sitne in fructu habendus, disseretur inter principes ciuitatis P. Scaeuolam, M’. Manilium, ab hisque M. Brutus dissentiet (quod et acutum genus est et ad usus ciuium non inutile, nosque ea scripta reliquaque eiusdem generis et legimus libenter et legemus) : haec, quae uitam continent omnem, negligentur ? – Cic., de fin. 1, 4, §. 12.

7. Illuseras heri etc. – Cf. Sex. Aelium Catum 2.

8. . . . ut hic iuris noster interpres alia nunc Manilius iura dicat esse de mulierum legatis et hereditatibus, alia solitus sit adolescens dicere nondum Voconia lege lata. – Cic., de rep. 3, 10. §. 17.