A. CASCELLIUS    ( 1st century BC )

( P. E. Huschke, Iurisprudentiae anteiustinianae quae supersunt, Leipzig, 1886, p. 102 ).

1. Cascellius iurisconsultus urbanitatis mirae libertatisque habebatur ; praecipue tamen is iocus eius innotuit : Lapidatus a populo Vatinius, cum gladiatorium munus ederet, obtinuerat, ut aediles edicerent, ne quis in arenam nisi pomum misisse uellet. forte his diebus Cascellius consultus a quodam, an nux pinea pomum esset, respondit : ‘ Si in Vatinium missurus es, pomum est. ’ – Macrob., Sat. 2, 6. §. 1.

2. Mercatori deinde, quemadmodum cum socio nauim diuideret, interroganti respondisse traditur ; ‘ Nauim si diuidis, nec tu nec socius habebis. ’ – Macrob., ib. §. 2.