[ἀν]τίγραφον [συνγραφῆ]ς. (ἔτους) ιγ Νέρωνος Κλαυδίου Καίσαρος Σεβαστοῦ Γερμανικοῦ Αὐτοκράτορο(ς) | [μη]νὸς Ἀπελλα[ίου κβ Φαῶ]φι κβ, ἐν Βακχ[ι]ά̣δι̣ τῆ[ς Ἡρ]ακλείδου μερί[δο]ς τοῦ Ἀρσινοίτου ν[ο]μ̣ο̣ῦ̣. [ὁμ]ολογεῖ | [Χαι]ρήμων Ἀπολ[λωνίου Π]έρσης τῆς ἐπιγονῆ[ς] ὡς (ἐτῶν) λδ οὐλὴ ῥινὶ μ[έ]σηι Σισόιτι Πετεή̣σ̣[ι]ο̣ς̣ [ὡς] (ἐτῶν) οα | [οὐλ]ὴ ὀφρύι ἀριστε[ρᾶι ἔχειν] παρ᾽ αὐτοῦ ἐπὶ τῆ[ι αὐ]τοῦ θυγατρὶ προούση[ι] κ̣[αὶ] συνούσηι τοῦ Χα[ιρήμονος] γ̣υ̣ν̣α̣ι̣κ̣ὶ̣ | [Θαι]σαρίωι φερνῆς̣ [ἀργυ]ρί[ο]υ ἐπισήμου δραχμὰς [ἑκατὸ]ν καὶ παραφέρνων ἐν[ωτ]ί̣ων χρυσῶν ζε[ῦγος τετά]ρ̣τ̣ω̣ν̣ | [τεσσ]ά̣ρων καὶ μη̣[νίσκο]ν̣ [χρυ]σ̣οῦν τετάρτων [τριῶ]ν καὶ δακτύλια χ[ρυσᾶ] δύο τετάρτων [δ]ύ̣[ο καὶ] ψ̣ελ̣[ί]ω̣ν̣ | [ἀργ]υ̣ρῶν ζεῦγος ὁ[λκῆς] ἀσήμου δραχμῶν τεσσ[αρ]άκοντα τεσσάρων καὶ κλάνια δύο   ὁλκῆς   ἀσ[ή]μ[ου   δρα]χμῶν   |   [δέ]κ̣α̣   ἓξ   καὶ   ἱμα[τίω]ν̣   σ[τ]ολὰ[ς]   δύο ,   λευκὴν   μίαν [ναρ]κ[ι]σσίνην μίαν , καὶ πάλλ[ι]α πέντα καὶ χαλκώ̣μ̣[ατ]α καὶ | [..]λουτρίδιον, ἐ̣[πὶ τ]ὸ αὐτὸ μνῶν τεσσάρων , [κ]α[ὶ] ἄνευ σταθμοῦ ἑδρύσ[κ]α[ι] χαλκαῖ δύο καὶ κα̣σσ̣ι[τέρο]υ μναῖ̣ | [πέν]τε , καὶ ἄνευ δι̣[ατ]ι̣μή̣σ̣[ε]ως   εἰς   καρπίαν   κ[α]ὶ   ἐν̣   πρ̣[οσφ]ορᾷ   ἀπ[ὸ]   τοῦ   ἐνεστῶτος ιγ (ἔτους) [Ν]έρων[ος Κλ]α[υδίου] | [Καί]σαρος Σεβασ[το]ῦ Γερμανικοῦ Αὐτοκράτορος τὸν ὑπάρχοντα αὐτῶι Σισ[όι]τι περὶ Βακχιάδα κ[λῆρ]ον | [κατ]οικικὸν ἀρο[υ]ρῶν δέκα ἡμίσους τετάρτου ἐν δυσὶ σφραγῖσι ἀ̣φ᾽ ὧν ἐν τῶι λεγομέν[ωι]   Σ̣αδήι   [κλ]ήρ[ο]υ   |   [ἄρο]υραι   ἑπτὰ ἥμισ[υ τ]έτ[α]ρτον , ὧν γείτονες το̣ύτ̣[ω]ν̣ νότου πρότε[ρ]ον Ἡρα[κλεί]δου τοῦ Ζωί̣[λο]υ κλῆρ[ος βορρᾶ] | [Ἀπολ]λωνίου τοῦ Στράτωνος κλῆρος λιβὸς διῶρυξ λεγομένη Ἀρχείου δι᾽ οὗ ἀποχεῖται ὁ κλῆρ[ο]ς ἀπ[η]-|[λιώ]του Πεθεῦτο[ς] τοῦ Πτόλλιδος κλῆρος,   ἀνὰ   μέσον   ὄντος   κοινοῦ   ὑδραγωγοῦ   δι᾽   ἧς ποτίζεται [ὁ] κλῆ[ρος,] | [τῆ]ς δὲ δευτέρας σφ[ρ]αγῖδος τῶν λοιπῶν ἀρουρῶν τριῶν ἐν τῶι λεγομένωι Πιενηούιος, γε[ί]τονε[ς] | [δὲ] καὶ τούτων νό[του] Βακχί̣[ο]νος τοῦ Ἀμμω[νίου] κλῆρος β[ορρ]ᾶ Πα[....]εῦτος τ[οῦ ..]. ι̣ν̣[.....] | [κλ]ῆ̣ρ̣ο̣ς λιβὸς διῶρυξ   εἰς   ἣν   εἰσχεῖτα[ι]   ὁ κλῆρ[ος] ἀπηλιώτου Π̣[ι]σ̣ιστρά[το]υ κλῆρος. συμ̣[β]ιούτω[σαν ο]ὖν | [ἑα]υ̣τ̣ο̣ῖς   ἀλλήλο[ις   ο]ἱ   γ[α]μοῦντες   ἥ   τε Θαισάριον καὶ ὁ Χα[ι]ρήμων ἀμεμψιμοιρήτως καθότι π̣[ρότ]ε̣ρο̣ν̣ | [συ]νεβίουν, τοῦ Χ[αιρ]ήμονος ἄγοντος τὰ κατ᾽ ἔ[το]ς γεωργικὰ ἔργα πάντα τῶν τῆς προσφορᾶς κλή[ρ]ου | [ἀρο]υρῶν δέκα ἡμίσ[ο]υς τετάρτου καὶ κατασπείροντος καὶ ἀποφέροντος τὰ περιεσόμεν[α] ἐκ τ[ού]-|[τω]ν κατ᾽ ἔτος γενήματα καὶ ἐπιγενήματα ἀπ[ὸ] τοῦ αὐτοῦ ἐνεστῶ[τος] ἔτους καὶ ε[ἰ]σφέρ[ον]τος | [εἰς] τὸν κοινὸν τῆς [σ]υμβιώσεως οἶκον κα[ὶ τ]ελοῦντος τὰ ὑπὲρ τούτων κατ᾽ ἔτ[ο]ς δημόσια [πά]ντα | [σι]τικά τε καὶ ἀργυρι[κ]ὰ ἀπὸ τοῦ αὐτοῦ ἐνεστῶτος ἔτους. ἐὰν δὲ διαφορᾶς αὐτοῖς γεναμένης | [χ]ωρίζωνται ἀπ᾽ ἀλλήλων, ἤτοι τοῦ Χαιρήμονος ἀποπέμποντος τ[ὴ]ν Θαισάριον ἢ καὶ αὐτῆς ἑκουσίω[ς] | [ἀ]παλλασσομέν[η]ς [ἀ]π᾽ αὐτοῦ, ἔστω τοῦ τῆ[ς] Θα[ι]σαρ[ί]ου πατρὸς Σισόιτος, ἐὰ[ν] δ̣ὲ̣ [ο]ὗτος μὴ περιῆι, αὐ[τῆς] Θ̣[α]ισαρί[ου] | [ὁ] σημαινόμενο[ς κλῆρ]ος τῶν ἀρουρῶν   δ[έκα]   ἡμίσους   τετάρτου   καθὼ[ς]   πρόκειται·   ἔτι   δὲ   καὶ προ[σα]πο-|δώσειν αὐτῆι ὁ Χ[αιρ]ήμων καὶ τὴν προγ[εγρα]μμένην φερνὴν καὶ τὰ παράφερνα οἷα ἐὰν ἐκ τῆς τρί-|ψεως ἐκβῆι, ἐπ[ὶ μὲν] τῆς ἀποπομπῆς πα[ραχρῆ]μα, ἐπὶ δὲ τῆς ἑκουσ[ίο]υ ἀπαλλαγῆς ἐν ἡμέρα[ι]ς τριά-|[κο]ντα ἀ̣φ̣᾽   ἧς   ἐὰ[ν   ἀπαι]τηθῆι.   ἐν   ὧι   δ᾽   [ἂ]ν̣   ἔτει   [τὰ   κατὰ] τὸν ἀπ᾽ ἀλλ[ή]λων τῶν [γα]μούντω[ν χ]ωρ[ι]σμὸ[ν] γ̣έ̣[νη]-|[τ]α̣ι̣, ἀπ[ο]μερισθ[ήσεται] τὰ ἐκφόρια τοῦ κλήρ[ο]υ [εἰς] τὴν δωδε[κά]μην[ο]ν τ̣ὴ̣ν̣ τ̣οῦ τ̣ῆς̣ [ἀ]πο̣πλο̣κ̣ῆς ἔ̣[τους] | [κα]ὶ̣ ἕξε[ι] ὁ μὲν Χα[ιρήμω]ν κατὰ τὸ ἀνὰ λόγον τ[ῶν μ]η̣νῶν ὧν ἐ̣ὰ̣ν̣ ἦι ἡ Θαισ[άριο]ν μεμενη̣κυῖα ἐν τῶ[ι κ]ο̣ινῶι | [οἴκω]ι, ὁ δὲ Σισόις τὸ ἐπίλοιπον, πρ[ό]τερον ἀνταναιρεθ[έ]ντων τῶν τοῦ κλήρου δημοσίων καὶ σπερμά[τω]ν, γει-|[νο]μένης τῆς πράξ[ε]ως τῶν κατὰ τὴν συνγραφὴν τῶι Σισόιτι ἤ, μὴ περιόν̣[το]ς̣, τῆι Θαισαρί[ωι] καὶ τοῖς [παρ᾽ α]ὐτῆς | [ἐκ] το̣ῦ̣ Χαιρήμ[ονο]ς καὶ ἐκ τῶν ὑπαρχόντων αὐτοῖς πάντων καθάπερ ἐκ δίκης. ὑπογραφεὺς τοῦ Σ[ι]σόιτος | [....]ν̣ Ἑρμᾶτος ὡς (ἐτῶν) μ̣α οὐλ(ὴ) μετώπωι ἐκ δεξιῶν, τοῦ Χαιρήμονος εἰδότος γ[ρά]μματα.