EMPTIO ASINI AEGYPTIA
   
Sale of a donkey
     
( May 27 or June 14, AD 305 )
 
 
P. Oxy. XLIII, 3143 ( Duke Data Bank of Documentary Papyri ).
  
 
ἐπὶ ὑπάτων τῶν κυρίων ἡμῶν | Κωνσταντίου καὶ Μαξιμιανοῦ τῶν | ἐπιφανεστάτων Καισάρων τὸ ε. |   Αὐρήλιος   Ἀπολλώνιος   Σαραπίωνος   |   μη(τρὸς)   Διοσκοροῦτος   ἀπὸ   τῆς   λαμ(πρᾶς)   καὶ λαμ(προτάτης) | Ὀξ(υρυγχιτῶν) πόλεως Αὐρηλίῳ Ἀρπ̣έ̣στλῃ ἑξάρχων̣ | ἀναφερομένων Οὐρραν̣ανῷ πραιπο-|σίτῳ χαίρ̣ειν. ὁμολογῶ πεπρακέναι | σοι ἐν τῇ Ὀξυρυγχιτῶν π̣όλει ὄνον ἄρ-|ρενα χαλκόχρω̣ον δευτεροβόλον, | τιμῆς τῆς συμπεφωνημένης πρὸς | ἀλλήλους ἀργυρίου Σεβαστῶν νομίσμα-|τος τάλαντα δεκαπέντε (γίνονται) (τάλαντα) ιε, ἅπερ | ἔσχον παρὰ σοῦ ἐκ πλήρους, τὸν δ᾽ αὐ-|τὸν ὄνον ἐντεῦθεν παρείληφας πα-|ρ᾽ ἐμοῦ τοῦτον τοιοῦτον ἀναπόρριφον, | ὃν καὶ βεβαιώσω σοι πάσῃ βεβαιώσ̣ε̣ι | καὶ τὸν ἐπελευσόμενόν σοι τούτου χά-|ριν ἀποστήσω ἐπάναγκες παραχρῆ-|μα καθάπερ ἐκ δίκης. κυρία ἡ πρᾶσις | καὶ ἐπερωτηθεὶς ὡμολόγησα. (ἔτους) κα καὶ | ιγ τῶν κυρίων ἡμῶν Διοκλητιανοῦ | καὶ Μαξιμιανοῦ Σεβαστῶν καὶ Κωνσταντίου | καὶ Μαξιμιανοῦ τῶν ἐπιφανεστάτων | Καισάρων, Παῦνι .. | —— (hand 2) Αὐρήλιος Ἀπολλώνιος πέπρακα | τὸν προκίμενον ὄνων κὲ ἀπέσχον | τὰ τῆς τιμῆς ἀργυρίου τ̣ά̣λ̣α̣ντα | δεκαπέντε̣ [...]...[.....]β̣ε̣[..] | σω ὡς πρόκιτ[αι καὶ ἐπερωτηθεὶς] | ὡμολόγησεν [ - ca. ? - ] | Αὐρήλειος Ζῆθος .[ - ca. ? - ]
 

 
►  Bibliography
 
 
Rea, The Oxyrhynchus Papyri, XLIII, London, 1975, n. 3143 ; Bagnall & Sijpesteijn, ZPE, 24, 1977, p. 116 ; Zilliacus et al., Griechische Texte IV, Wien, 1979, pp. 134 and 138 ; Youtie, Scriptiunculae posteriores, II, Bonn, 1982, p. 694 ; Sijpesteijn, Anagennesis, 3, 1983, p. 145 ; Hagedorn, Die Papyri der Bayerischen Staatsbibliothek München, I, Stuttgart, 1986, p. 72 ; Leone, Gli animali da trasporto nell'Egitto greco, romano e bizantino, Roma-Barcelona, 1988, pp. 12 and 19 ; Hanson & Sijpesteijn, ZPE, 87, 1991, p. 273 ; Jördens, Tyche, 10, 1995, pp. 59-60 and 87 ; Jördens & Zauzich, Griechische papyri aus Soknopaiu Nesos (P. Louvre I), Bonn, 1998, pp. 92-93 ; Litinas, ZPE, 124, 1999, pp. 196 and 203 ; Papathomas, Fünfunddreissig griechische Papyrusbriefe aus der Spätantike, München-Leipzig, 2006, p. 170 ; Adams, Land transport in Roman Egypt : A study of economics and administration in a Roman province, Oxford, 2007, p. 105 ; Cohen, Greek documentary papyri from Egypt in the Berlin Aegyptisches Museum, Oakville, 2007, p. 64 ; Rainer, Arnold Kränzlein : Schriften, Wien-Köln-Weimar, 2010, p. 208.
 
 
►  Source : Papyrus from Oxyrhynchus.