LOCATIO REI
   
Lease of lands
     
( November 11, AD 91 )
 
 
P. Flor. I, 85 ( Duke Data Bank of Documentary Papyri ).
  
 
Το̣.. υης Ἀπολλωνίου Νεάρχου Εὐδαίμο(νος) | χα(ίρειν). μεμίσθωμαι παρά σου εἰς τὸν σπόρον | τοῦ ἐνεστῶτος [ἑ]νδεκάτου (ἔτους) | Δο[μι]τιανοῦ Κ[αί]σαρος τοῦ κυρίου εἰς κα-|τά[θε]σιν λαχά[νο]υ ἐκ τοῦ Τύδεος κλ[ήρ]ου | ἀρ[ούρ]ας τρεῖς ἥ[μ]ισυ γῆς φανησομένης | ἐν σ̣[πόρῳ] ἀνὰ ἐκ[φ]ορίου ἑκάστης  ἀρούρ̣ης | λα[χ]ανοσπέρμου ἀρτάβας τρεῖς τρίτον , | ἃς ἔχεις ἐν μισθώσει Ἑρμοφίλου Ἑρμο-|φί̣λ(ου),  ἃς  καὶ  μετρήσω  σοι  ἐν  τῷ  Ἐφεὶπ | μη[ν]ὶ  τοῦ αὐτοῦ (ἔτους) νέα καθαρὰ ἄδολ(α) | κε[κο]σκινευμ[ένα] μέτρῳ ἐλαιουργικῷ | ἑπ[τα]μέτρῳ π̣[άσ]ας καθεσταμένας | εἰς [Σε]λιλᾶιν εἰ[ς] οἶκον  παρά  σε  πάντω(ν) | τῶν  δημοσίων  ὄντων  πρός  σε  τὸν  Νέ-|αρ[χ]ον  καὶ  μισθ̣ωτικοῦ οἴνου κερα(μίου) α. | ἔ[του]ς ἑνδεκά[το]υ Αὐτοκράτορος Καίσαρος | Δ[ομι]τιανοῦ Σε[β]αστοῦ Γερμανικοῦ | μην̣ὸς Νέου Σε[β]αστοῦ ιδ. Ὥριων Τοθή-|ο̣υς [ἔ]γραψα ὑπ(ὲρ) αὐτοῦ μὴ εἰδότος γράμματα. | ἐὰν δὲ ξυλαμήσεις κριθὴν ἀπὸ τῶν προ-|κιμένων ἀρούρων δώσεις ἄνα ἑκάστης | ἀρούρης κριθῆς ἀρτάβας ὀκτώ.
 

 
►  Bibliography
 
 
Vitelli, Papiri greco-egizii, Papiri Fiorentini, I, Milano, 1906, n. 85 ; Schnebel, Die Landwirtschaft im hellenistischen Ägypten, München, 1925, pp. 132-133 and 140 ; Herrmann, Studien zur Bodenpacht im Recht der Graeco-Aegyptischen Papyri, München, 1958, pp. 110, 116 and 123 ; Wolff, Beiträge zur Rechtsgeschichte Altgriechenlands und des hellenistisch-römischen Ägypten, Weimar, 1961, p. 132 ; Hübner, Klingmüller & Wacke, Festschrift für Erwin Seidl zum 70, Köln, 1975, p. 101 ; Pestman & Rupprecht, Berichtigungsliste der griechischen Papyrusurkunden aus Aegypten, VIII, Leiden, 1992, p. 125 ; Papathomas, Fünfundzwanzig griechische Papyri aus den Sammlungen von Heidelberg, Wien und Kairo (P. Heid. VII), Heidelberg, 1996, p. 89 ; Harrauer & Pintaudi, Gedenkschrift Ulrike Horak (P. Horak), Firenze, 2004, p. 20.
 
 
►  Source : Hermopolite papyrus.