|
CONTRACTUS
CUM EXSECUTORE LITIS DE PRINCIPIS RESCRIPTO AD EXITUM PERDUCENDO Contract with an official in Constantinople concerning a lawsuit ( July 11, AD 551 ) |
( V. Arangio-Ruiz, Fontes iuris Romani antejustiniani, III, Firenze, 1943, pp. 557-564, n. 179 ). Latin translation |
Regni
sacratissimi et piissimi domini nostri Flauii Iustiniani perpetui Augusti
et imperatoris anno uicesimoquinto, post consulatum Flauii Basilii uiri
clarissimi anno decimo, ante diem V idus Iulias indictionis decimaequartae,
in alma et illustri Roma Flauii Constantini urbe, has declarationes
et conuentiones duobus exemplaribus scriptas ponunt et faciunt inuicem
sine dolo et ui et metu et necessitate et omni circumscriptione, spontanea
sententia et libera uoluntate, ex una quidem parte Dioscorus Apollotis
filius et Callinicus Victoris filius et Apollos Iohannis filius et Cyrus
Victoris filius per Senuthem Apollotis filium personam eius absentis
induentem, omnes uico oriundi qui uocitatur Aphroditô regionis Antaeopolitanae
prouinciae Thebaeorum, ex altera uero parte Flauius Palladius uir clarissimus
comes sacri consistorii, beatae memoriae Iohannis filius, et Epigonus
uir clarissimus comes, uterque oriundus quidem clarissima Leontii urbe
in priore Cappadociae prouincia, nunc autem in hac regia ciuitate domicilium
habens, inuicem declarantes secundum placita infrascripta. |
In
hanc regiam urbem progressi nos suprascripti Dioscorus et Apollos et
Callinicus et Cyrus per me Senuthem personam eius induentem sacram accepimus
iussionem contra aduersarios nostros, scilicet eos qui sunt circa Heraclium
Psaiotis filium aliosque in uico nostro degentes et insuper contra quamlibet
personam ex sacrae iussionis nobis datae tenore demonstrandam :
cum autem ex lege necessarius nobis sit exactor et exsecutor negotii,
precatiuam scripturam claritati uestrae obtulimus mense Iunio praesentis
indictionis decimaequartae, quae est apud Aegyptios decimaquinta, ut
Deo adiuuante in Thebaeorum prouinciam progrediatur et suprascriptam
sacram iussionem accipiat, id est sacrum commonitorium apud nos custoditum,
et apud tribunalia in prouincia constituta insinuet et omnem beneuolentiam
et . . . . . . . . . . .
et sollicitudinem et diligentiam ponat in exsequendo negotio nostro,
usque dum ad finem actio perducatur pro uniuersa illius perfectione
(secundum uigorem) praedictae sacrae iussionis ; et in
ius uocet non modo omnes personas ipsa iussione comprehensas cum fideiussoribus
idoneis, sed etiam eas quae secundum eiusdem rescripti uigorem obnoxiae
esse uideantur, et litem usque ad finem exsequatur, soluentibus quidem
nobis insinuatiua officiique sumptus, omnium autem sportularum ab aduersariis
soluendarum quartam partem retinentibus, reliquis tribus partibus ad
claritatem uestram spectantibus : earum autem pecuniarum, quae
siue ex iudicii exsecutione siue ante iudicium factum (ex transactione)
prouenturae sint, liceat nobis damni quod passi sumus nomine tres partes
accipere et claritati uestrae reliquam partem pro itinere et labore
et impensis ad ipsam eiusque ministros respicientibus : nec liceat
claritati uestrae in ulla re contra suprascripta placita uel in fraudem
eorum uenire, sed diserte et diligenter et honeste ad exitum ea perducat
per omnem consentaneam uiam, sine ulla praeuaricatione uel fraude uel
mora uel dilatione uel arrogantia uel derisione, cum ipsi parati simus
in tribunali illustrissimi uiri ducis Thebaidis eiusue potestatis, quam
forte nobis contra aduersarios adeundam esse claritas uestra censuerit,
permanere sine iniuria et reprehensione, et propriam nostram causam
defendere et aduersariis libellos edere periculo nostro omnibusque patrimonii
nostri uiribus et causam dicere. |
Ego
autem praedictus Palladius uir clarissimus ultro declaro paratum me
esse placitis et conuentionibus quae a uobis mihi definita sunt stare
et omnia obseruare et ad exitum perducere secundum condiciones supra
a uobis commemoratas . . . . . . . . . . . . . .
et in praesenti ultro citroque scriptura commorari nec in ulla re contra
iura uestra uenire secundum uigorem uobis concessae sacrae iussionis,
immo omnes aduersarios uestros siue explicite siue implicite ea comprehensos
excutere pro omni capite ad uos contra eos spectante usque dum negotium
uestrum ad finem perducatur. |
Et
insuper pro euidentiore et firmiore securitate sacrum et augustum iusiurandum
inuicem praestitimus, ego uobis et uos mihi, per sanctam et consubstantialem
Trinitatem et per uictoriam et salutem gloriosi domini nostri Flauii
Iustiniani perpetui Augusti et imperatoris, (iurantes) placitis
staturos esse inter utrosque nostrum conuentis in hac duobus exemplaribus
facta scriptura : quod si hoc non fecerimus, inadimplentem partem
adimplenti soluturam esse auri libras duas, ui et manu militari exigendas,
et quamquam inuitam omnibus suprascriptis placitis staturam. Et de his
rebus omnibus inuicem fide rogati et inuicem rogantes haec ita se habere
dari fieri custodiri ad exitum perducere fide promisimus. . . . . . .
. . . . . . . . . . . . . . . . . . . . . |
Greek text ( Duke Data Bank of Documentary Papyri ). |
[ ![]() ![]() ![]() ![]() |
|