CONVENTIO NUPTIALIS
   
Marriage contract
      
( June 25 - July 24, AD 162 )
 
 
Pap. Choix 10 = PSI X, 1116 = P. Mert. II, 72 ( Duke Data Bank of Documentary Papyri ).
  
 
ἔτους δευτέρου Αὐτοκράτορο[ς] Καίσαρος Μά̣ρκου Αὐ̣ρηλίο[υ] | Ἀντωνε̣ίνου Σεβα̣στοῦ καὶ Αὐ̣τοκράτορος Καίσαρος | Λουκίου Αὐρηλίου Οὐήρου Σεβαστοῦ Ἐπεὶφ ἐν Τεβτύνει | τῆς Π̣ολέμωνος μερίδος̣ τοῦ Ἀρσι(νοΐτου) νομ̣οῦ. ὁμολογεῖ Ἡροῦς | Ἥρων̣[ο]ς̣ τοῦ ᾿απολλωνίου ὡς ἐτῶν πεντήκοντα ὀκτὼ , οὐλὴ | ἀντικ̣νημίω̣ι̣ ἀ̣ρ̣ιστερῶ̣[ι] μ̣[ε]τὰ κ[υ]ρ̣[ίου] τοῦ υ[ἱοῦ] Ὀ̣ρσενουφέω(ς) | τοῦ Σαραπίωνος, ὡς ἐτῶ̣ν̣ εἴκοσι ὀ̣κτώ̣ , ο̣ὐ̣λ̣ὴ χειρὶ ἀριστε(ρᾷ), | Θαισᾶτι ὡς ἐτῶν τριάκον̣τα ὀκτώ̣ , οὐλὴ πο̣δ̣ὶ̣ ἀριστερῶι, | μετὰ κυρίου τ̣[οῦ] ἑαυτῆς πάτρων[ο]ς Γεμέλλ[ο]υ ἀπελ̣ευθέρο̣(υ) | Μάρωνος Λουκ̣ίου, ὡς ἐτ̣ῶ̣ν τεσσαράκοντα ὀκτώ , [ἀ]σήμου, | [ἔχειν] π̣αρ̣᾽ αὐ[τ]ῆς Ἡροῦ[τ]ος φερνὴν ἐπὶ τῇ αὐτῆς θυγατρὶ | [Σαρα]ποῦτι Ἥρω̣ν̣ο̣[ς] γαμουμένῃ [τῷ ἑαυτ]ῆς Ἡ[ρ]οῦτο[ς] υἱῶι | [Ἐκύ]σ̣ι ἀργυρίου δραχμὰς ἑκατὸν οὔσας τιμὴ(ν) στολῆς | [βυσσ]ίνης μονοχίτωνος καὶ ἐν παραφέρνοις ἄνευ διατι-|[μήσ]εως ἐν[ω]τ̣ίων χρυσο̣ῦ̣ν ζεῦγος τεταρτῶν δύο ἡμίσους | [κα]ὶ [πτ]ύχιν πε[ρι]τράχηλον τεταρ[τ]ῶν δέκα καὶ περιδέξιον τε-|ταρτῶν δύ[ο] [κ]αὶ δακτ[υ]λίους δύο τεταρτῶν τριῶν καὶ | κολλάρια ἀργυρᾶ δύο · ὁλκῆς ἀσήμου δραχμῶν εἰκοσιτεσ-|σάρων καὶ χιτῶνα καὶ πάλλιον χρωμάτινα καὶ κάδον | καὶ σκ̣άφιον χαλκῆ καὶ κιβωτὸν καὶ δίφρον ξύλινα καὶ | κ[ίστη]ν πλεκτήν. συμβιούτωσαν οὖν ἀλλήλοις οἱ γα-|μο[ῦντες ἀμέ]μ̣πτως ὅ τε Ἐκῦσις καὶ Σαραποῦς τῆς Ἡροῦ-|[τος χορηγούση]ς αὐτοῖς κατὰ δύναμιν. ἐπὶ δὲ τοῦ ἀπ᾽ ἀλ-|[λήλων χωρισμο]ῦ ἀποδό[τ]ω ἡ Ἡροῦς τῇ Σαραποῦτι τὴν | [φερνὴν καὶ τὰ π]αράφ̣ερ̣[να] ἐ̣ν ἡ[μέραις τ]ριάκοντα , γει-|[νομένης τῆς] πράξεως ἔκ τε τῆς Ἡροῦτος καὶ ἐκ τῶν ὑπαρ-|[χόντων αὐτῇ π]άντων. (hand 2) Ἡρο̣ῦς Ἥρωνος μετὰ κυρίου τοῦ | [υἱοῦ Ὀρσενούφεω]ς ἔχω παρὰ τῆς Θασᾶτος φερνὴν ἐπὶ τῇ Σα-|[ραποῦτι ἀργυρίου δ]ραχμὰς ἑκατὸν ἐν συντιμήσει ἱματίων | [καὶ τὰ παράφερνα ἃ ἀ]ποδώσω ὡς πρόκιται. ἔγραψεν ὑπὲρ αντων | [ ........ ἀγρ]αμμάτου.
 

 
►  Bibliography
 
 
Papiri greci e latini, X, Firenze, 1932, n. 1116 ; Wolff, TAPhA, 72, 1941, pp. 421 and 431 ; Bengtson, Die Strategie in der hellenistischen Zeit : Ein Beitrag zum antiken Staatsrecht, München, 1952, pp. 8 and 13 ; Gerner, Beiträge zum Recht der Parapherna : Eine ehegüterrechtliche Untersuchung, München, 1954, p. 8 ; Rees, Bell & Barns, A Descriptive Catalogue of the Greek Papyri in the Collection of Wilfred Mertoned, II, Dublin, 1959, n. 72 ; Wolff, Beiträge zur Rechtsgeschichte Altgriechenlands und des hellenistisch-römischen Ägypten, Weimar, 1961, pp. 105 and 119 ; Bingen, Tomsin, Bodson, Denooz, Dupont & Evrard, Choix de papyrus grecs : Essai de traitement automatique, Liège, 1968, n. 10 ; Bingen, CdE, 43, 1968, p. 382 ; Häge, Ehegüterrechtliche Verhältnisse in den griechischen Papyri Ägyptens bis Diokletian, Köln-Graz, 1968, pp. 134 and 140-141 ; RHD, 46, 1968, p. 159 ; Modrzejewski, ZSS, 87, 1970, p. 62 ; Hanson, Collectanea Papyrologica : Texts Published in Honor of H.C. Youtie, I, Bonn, 1976, p. 448 ; Wolff, Das Recht der griechischen Papyri Ägyptens in der Zeit der Ptolemaeer und des Prinzipats, II, München, 1978, p. 21 ; Kramer & Hagedorn, Griechische Papyri der Staats- und Universitätsbibliothek Hamburg (P. Hamb. III), Bonn, 1984 ; Montevecchi, La papirologia, Milano, 1988, p. 204 ; Clarysse & Petrie, The Petrie Papyri Second Edition (P. Petrie 2), I, Brussels, 1991, p. 162 ; Russo in Bülow-Jacobsen, Proceedings of the 20th International congress of papyrologists (Copenhagen, 1992), Copenhagen, 1994, p. 502 ; Krause, Witwen und Waisen im Römischen Reich, III, Stuttgart, 1995, pp. 8 and 152 ; Rupprecht, Scripta classica Israelica, 17, 1998, p. 66 ; Kraus, New Testament Studies, 45, 1999, pp. 434-449 ; Russo, I gioielli nei papiri di età greco-romana, Firenze, 1999, pp. 41, 70 and 120-121 and 253 ; ZPE, 132, 2000, pp. 197 and 200 ; Harrauer et al., Corpus Papyrorum Raineri, XIX, Wien, 2004, p. 109 ; APF, 51, 2005, p. 241 ; Kraus, Ad fontes : Original manuscripts and their significance for studying early Christianity--selected essays, Leiden-Boston, 2007, p. 149.
 
 
►  Source : Papyrus from Tebtynis.