EPITAPHIO ALLIAE POTESTATIS
  
Epitaph of Allia Potestas
  
( AD 1st - 3rd century )
 
 
CIL VI, n. 37965 ( Epigraphik Datenbank Clauss/Slaby ).
 
 
Dis Manib(us) Alliae A(lli) l(ibertae) Potestatis // hic Perusina sita est qua non pretiosior ulla / femina de multis vix una aut altera visa / sedula seriola parva tam magna teneris / crudelis fati rector duraque Persiphone / quid bona diriptis exuperantque mala / quaeritur a cunctis iam respondere fatigor / dant lacrimas animi signa benigna sui / fortis sancta tenax insons fidissima custos / munda domi sat munda foras notissima volgo / sola erat ut posset factis occurrere cunctis / exiguo sermone inprehensa manebat / prima toro delapsa fuit eadem ultima lecto / se tulit ad quietem positis ex ordine rebus / lana cui manibus nuncquam sine causa recessit / opsequioque prior nulla moresque salubres / haec sibi non placuit numquam sibi libera visa / candida luminibus pulchris aurata capillis / et nitor in facie permansit eburneus illae / qualem mortalem nullam habuisse ferunt / pectore et in niveo brevis illi forma papillae / quid crura Atalantes status illi comicus ipse / anxia non mansit sed corpore pulchra benigno / levia membra tulit pilus illi quaesitus ubique / quod manibus duris fuerit culpabere forsan / nil olli placuit nisi quod per se sibi fecerat ipsa // Nosse fuit nullum studium sibi se satis esse putabat / mansit et infamis quia nil admiserat umquam  /  haec duo dum vixit iuvenes ita rexit amantes / exemplo ut fierent similes Pyladisque et Orestae / una domus capiebat eos unusque et spiritus illis / post hanc nunc idem diversi sibi quisq(ue) senescunt / femina quod struxit talia nunc puncta lacessunt / aspicite ad Troiam quid femina fecerit olim / sit precor hoc iustum exemplis in parvo grandibus uti / hos tibi dat versus lachrimas sine fine patronus / muneris amissae cui nuncquam es pectore adempta / quae putat amissis munera grata dari / nulla cui post te femina visa proba est / qui sine te vivit cernit sua funera vivos/ auro tuum nomen fert ille refertque lacerto / qua retinere potest auro conlata Potestas / quantumcumq(ue) tamen praeconia nostra valebunt / versiculis vives quandiucumque meis / effigiem pro te teneo solacia nostri / quam colimus sancte sertaque multa  datur / cumque at te veniam mecum comitata sequetur / sed tamen infelix cui tam sollemnia mandem / si tamen extiterit cui tantum credere possim / hoc unum felix amissa te mihi forsan ero / ei mihi vicisti sors mea facta tua est // Laedere qui hoc poterit ausus quoque laedere divos / haec titulo insignis credite numen habet
 

 
►  Bibliography
 
 
Costa, RAIB, 6, 1912-13, pp. 30-38 ; Mancini, NSA, 9, 1912, pp. 155-158 ; Albini, RAIB, 7, 1913-14, pp. 31-36 ; Brugi, AIV, 72, 1913, pp. 829-834 / 73, 1913, pp. 415-429 ; Costa, RAIB, 7, 1913-14, pp. 41-43 ; Fossataro, BFC, 20, 1913-14, pp. 233-234 ; Lenchantin de Gubernatis, BFC, 20, 1913-14, pp. 109-114 ; Lenchantin de Gubernatis, RPh, 41, 1913, pp. 385-400 ; Rasi, AIV, 73, 1913-14, pp. 687-733 ; Castelli, RIL, 47, 1914, pp. 369-380 ; Fossataro, Ath, 2, 1914, pp. 330-334 ; Gurlitt, Philologus, 73, 1914, pp. 289-301 ; Kroll, Philologus, 72, 1914, pp. 274-287 ; Procacci, BAAR, 4, 1914, pp. 49-56 ; Bates, AJA, 19, 1915, pp. 215-235 ; Hartman, Mnem, 43, 1915, pp. 385-403 ; Rasi, BFC, 23, 1916-17, p. 16 ; Stampini, RPh, 46, 1918, pp. 95-98 ; Liljeholm, Eranos, 21, 1923, pp. 97-119 ; CIL VI, n. 37965 ; Lommatzsch, Carmina Latina Epigraphica, III, Leipzig, 1926, n. 1988 ; Armini, Eranos, 25, 1927, pp. 105-122 ; Desmed, RBPh, 47, 1969, pp. 584-585 ; Gil, CFC, 13, 1977, pp. 287-291 ; Lefkowitz & Fant, Women in Greece and Rome, Toronto, 1977, p. 111 ; Horsfall, Ancient Society, 12, 1982, pp. 27-33 ; Gordon, Illustrated Introduction to Latin Epigraphy, Berkeley, 1983, pp. 145-148 ; Horsfall, ZPE, 61, 1985, pp. 251-272 ; Evans, War, women, and children in ancient Rome, London-New York, 1991, pp. 42 and 150 ; AE 1995, n. 115 ; Rizelli, SDHI, 61, 1995, pp. 623-655 ; Friedl, Der Konkubinat im kaiserzeitlichen Rom, Stuttgart, 1996 ; AE 1997, n. 87 ; Bodel, Epigraphic evidence : Ancient history from inscriptions, London-New York, 2001, p. 40 ; Hernández Pérez, Poesía Latina sepulcral de la Hispania Romana, Valencia, 2001, p. XXII ; Varone, Erotica pompeiana : Love inscriptions on the walls of Pompeii, Roma, 2002, p. 113 ; AE 2003, n. 198 ; Engster, Archiv für Kulturgeschichte, 85, 2003, pp. 143-170 ; Frei-Stolba, Bielman & Bianchi, Les femmes antiques entre sphère privée et sphère publique, Berlin, 2003, pp. 180, 182 and 186 ; Alföldy in Vössing, Biographie und Prosopographie : Internationales Kolloquium zum 65. Geburtstag von Anthony R. Birley, Stuttgart, 2005, p. 43 ; Carroll, Spirits of the dead : Roman funerary commemoration in Western Europe, Oxford, 2006, p. 278.
 
 
►  Source : Marble tablet found at Rome ( Via Pinciana ), Italy, in 1912.