. . . . . . . . Itaque in te proiciendam et indignam ut nomine uociteris adiectoque patronymico ad hanc perueni scriptam et legitimam renuntiationem et abdicationem, per quam horrendissimum iuratus iusiurandum declaro expellere te et eicere et iam publice expulisse te ab omni legitimo affectu per totum solis cursum in futurum et coram omni imperio et potestate et throno et dominatione, inde ab hodie et per totum aeternum et infinitum tempus, ne ulla omnino tu illa meo nomine des neque recipias, uel me uiuente uel post mortem meam, sed tamquam extranea separata sis in perpetuum a sanguine et genere meo et ab omni mearum rerum substantia, ut iuste et recte alienam te esse oporteat ab omni pro me sub sole obligatione et actione, nec ad hereditatem peruenias in numero filiorum meorum omnium, sed penitus abiecta et exheres et sine parte sis in qualibet communione et possessione hereditatis meae : omnia enim et uniuersa bona mea, praesentia et futura, mobilia et immobilia et semouentia, cuiusque speciei et generis et materiae et qualitatis et quantitatis, coniuncta et dispersa, a pretiosis speciebus usque ad uilia siue lignea siue fictilia siue . . . . . . siue uitrea, filiorum meorum (dilectorum) sunt, sed eorum tantum qui subiecte semper et in omnibus rebus uoluntati meae oboedierunt, et iussui et institutis et rationi meae obsequentes paternam originem ingenio atque humanitate ostentant. Tibi tantum, superbae et maleficae et inimicae filiae, nihil eorum debetur nec ad te pertinere uolo praeter Falcidiam legibus definitam, loco hereditatis tuae qua indigna iam nunc reperta es : quod et in hora testamenti mei scripti et rati dispono et ordino, ut nihil unquam praeterea accipere possis sed penitus et perpetuo excludaris : quantum acerbi dedisti, tantum acerbi secundum leges recipis, exemplum mali quod pati merentur omnes inimici liberi. Maneat igitur apud te haec contumelia, et aeterno flagitio sit posteris tuis ut spuriis et libertinis et abdicatis et sceleratis. Et ut omnia cognoscantur quae contra te tuosque posteros dixi, a societate mea penitus excludendos, per Deum coeli uiuentem et omnium rerum dominum atque regem Christum publicos executores huius uici mei Aphrodites et publicos irenarchas obsecro, inprimisque disertissimum et clarissimum uirum defensorem ciuitatis . . . . . . , ut praesenti renuntiationi et abdicationi et abstentioni (quanta fieri possit diuulgatio per eos detur), proferaturque praesertim in publico foro et in arce, ab omnibus meditata, septem dies, ut omnibus nota sit impiae audaciae poena a peruersa et stulta et imprudente filia admissae taliaque facere studentes deterreantur. Cum autem hominum conuersatio omnium tribunalium seuerissimum sit, per assiduam et peremptoriam uocem praeconis clarissimis dignitatibus inseruientis secundum decretum ex diuinis legibus praesentem abdicationem feci ad omnium notitiam, ut uoce praesentium fama expandatur haec omnia semper et absolute rata futura esse.

 
►  Bibliography
 
 
Maspero, Papyrus grecs d'époque byzantine, Catalogue général des antiquités égyptiennes du Musée du Caire, I, Cairo, 1911, n. 67097 v. D ; Lewald, ZSS, 34, 1913, pp. 441 ss. ; Maspero, BIFAO, 7, 1913, pp. 150 ss. ; Collinet, RHD, 38-39, 1914-15, pp. 391 ss. ; Cuq, MAIBL, 39, 1914, pp. 181 ss. ; Koschaker, Berliner Philologische Wochenschrift, 1915, pp. 1503 ss. ; Taubenschlag, ZSS, 37, 1916, pp. 214 ss. ; Cuq, CRAI, 1917, pp. 354 ss. ; Bell, JEA, 5, 1918, pp. 70 ss. ; Arangio-Ruiz, Aegyptus, 1, 1920, pp. 27 ss. ; Meyer, Juristische Papyri : Erklärung von Urkunden zur Einführung in die juristische Papyruskunde, Berlin, 1920, n. 11 ; Lewald, ZSS, 42, 1921, p. 316 ; Boyé, La Denuntiatio introductive d'instance sous le Principat, Bordeaux, 1922, p. 37 ; Albertoni, L'apokeryxis : Contributo alla storia della famiglia, Bologna, 1923, pp. 57 ss. ; Nallino, RAL, 1, 1925, pp. 709 ss. ; Arangio-Ruiz, FIRA III, Firenze, 1943, pp. 33-37, n. 15 ; Wenger, Die Quellen des römischen Rechts, Wien, 1953, p. 815 ; Hazard & Wagner, Legal thought in the United States of America under contemporary pressures, Brussel, 1970, p. 46 ; Thür, Iura, 23, 1972, p. 289 ; Wurm, Apokeryxis, Abdicatio und Exheredatio, München, 1972 ; ZSS, 90, 1973, p. 434 ; Wolff, ZSS, 91, 1974, p. 83 ; Amelotti & Migliardi, Legum Iustiniani Imperatoris Vocabularium, Milano, 1985, p. 81 ; MacCoull, Dioscorus of Aphrodito : His Work and His World, Berkeley, 1988, pp. 112-116 ; Beaucamp, Le statut de la femme à Byzance (4e-7e siècle), II, Paris, 1992, pp. 71, 80 and 159 ; Pestman & Rupprecht, Berichtigungsliste der griechischen Papyrusurkunden aus Aegypten, VIII, Leiden, 1992, p. 71 / IX, p. 42 / X, p. 33 ; Kuehn, ZPE, 97, 1993, pp. 110-113 ; Krause, Witwen und Waisen im Römischen Reich, II, Stuttgart, 1994, pp. 116 and 125 ; McGing, Greek papyri from Dublin (P. Dub.), Bonn, 1995, p. 140 ; Tyche, 10, 1995, p. 243 ; Papathomas, Fünfundzwanzig griechische Papyri aus den Sammlungen von Heidelberg, Wien und Kairo (P. Heid. VII), Heidelberg, 1996, p. 133 ; Akten des 21. Internationalen Papyrologenkongresses (Berlin, 1995), II, Stuttgart-Leipzig, 1997, p. 655 ; Rathbone, JRS, 87, 1997, pp. 316 ss. ; Arjava, Women and law in late antiquity, Oxford, 1998, p. 47 ; Montevecchi & Daris, Scripta selecta, Milano, 1998, p. 262 ; Stol & Vleeming, The care of the elderly in the ancient Near East, Leiden-Boston-Köln, 1998, p. 235 ; Migliorini, L'adozione tra prassi documentale e legislazione imperiale nel diritto del tardo impero romano, Milano, 2001, pp. 279, 321 and 326 ; Bell, Norsa & Pinto, Carteggio 1926-1949, Bari, 2005, p. 70 ; Veïsse, REG, 120, 2007, p. 52 ; Fournet, Les archives de Dioscore d'Aphrodité cent ans après leur découverte : Histoire et culture dans l'Égypte byzantine (Coll., Strasbourg, 2005), Paris, 2008, pp. 122 and 124 ; Bagnall, The Oxford handbook of papyrology, Oxford, 2009, p. 366.
 
 
►  Source : Papyrus from Antaiopolis ( P. Cair. Masp. I, 67097 v. D, ll. 27-90 = Jur. Pap. 11 ).