| LEX PLAUTIA
DE
REDITU LEPIDANORUM ( 70 BC ) |
|
Suetonius, Diu. Iul., 5 ( Ihm, Leipzig, 1908 ). |
| Tribunatu
militum, qui primus Romam reuerso per suffragia populi honor optigit,
actores restituendae tribuniciae potestatis, cuius uim Sulla deminuerat,
enixissime iuuit. L. etiam Cinnae uxoris fratri, et qui cum eo
ciuili discordia Lepidum secuti post necem consulis ad Sertorium confugerant,
reditum in ciuitatem rogatione Plotia confecit habuitque et ipse super
ea re contionem. |
Gellius, XIII, 3 ( Marache, Paris, 2002 ). |
| 5. Repperi
tamen in oratione C. Caesaris, qua Plautiam rogationem suasit,
‘ necessitatem ’ dictam pro ‘ necessitudine ’,
id est iure adfinitatis. Verba haec sunt : « Equidem
mihi uideor pro nostra necessitate non labore, non opera, non industria
defuisse. » |
|
|
 |