LEX IULIA DE MARITANDIS ORDINIBUS
   
Lex Julia on marriage
  
( 18 BC )
 
 
( C. G. Bruns, Fontes iuris Romani antiqui, I, Tübingen, 1909, pp. 115-116, n. 23 ).
 
 
     (I) (Paulus l. I ad l. Iuliam et Papiam : Lege Iulia ita cavetur :)
     Qui senator est, quive filius, neposve ex filio, proneposve ex [nepote] filio nato cuius eorum est erit, ne quis eorum sponsam uxoremve sciens dolo malo habeto libertinam, aut eam, quae ipsa cuiusve pater materve artem ludicram facit fecerit ; neve senatoris filia, neptisve ex filio, proneptisve ex nepote filio nato nata libertino eive, qui ipse cuiusve pater materve artem ludicram facit fecerit, sponsa nuptave sciens dolo malo esto, neve quis eorum dolo malo sciens sponsam uxoremve eam habeto.
     (VI) (Paulus l. II ad l. Iuliam et Papiam :)
     Qui libertinos duos pluresve a se genitos natasve in sua potestate habebit, praeter eum, qui artem ludicram fecerit quive operas suas, ut cum bestiis pugnaret, locaverit : ne quis eorum operas doni muneris aliudve quicquam libertatis causa patrono patronae liberisve eorum, de quibus iuraverit vel promiserit obligatusve erit, dare facere praestare debeto.
     (XIII) (Ulpianus l. III ad l. Iuliam et Papiam : Quod ait lex :)
     Divortii faciendi potestas libertae, quae nupta est patrono, ne esto, quamdiu patronus eam uxorem esse volet . . [neve] invito patrono [alii nubere potestas esto].
     (XXXIV) (Ulp. l. VII ad l. Iuliam et Papiam : Si vero — maritus dotalem servum voluntate eius (mulieris) manumiserit, — ait lex :)
     . . . quod ad eum pervenit, et si dolo malo aliquid factum est, quominus ad eum perveniat, . . quanta pecunia erit, tantam pecuniam dato.
[Dig. XXIII, 2, 44 pr. / XXXVIII, 1, 37 pr. / XXIV, 2, 11 pr.-1 / XXIV, 3, 64 pr. 6-7. 10]
 

 
►  Bibliography
 
 
Gothofredus, Fontes IV iuris civilis, Genève, 1653, pp. 264-350 ; Heineccius, Fontes III iur. civ., 1840, pp. 31-40 ; Demelius, Legum quae ad ius civile spectant fragmenta, in usum praelectionum collegit, Weimar, 1857, pp. 45-58 ; Rudorff, Römische Rechtsgeschichte, I, Leipzig, 1857, p. 54 ; Jörs, Ueber das Verhältnis der Lex Julia de maritandis ordinibus zur Lex Papia Poppaea, Bonn, 1882  ; Lenel, Palingenesia Iuris Civilis, I, Leipzig, 1889, c. 246-250, 632-633, 689-691 and 1125-1134 / II, c. 335-342 and 939-950 ; Jörs, Fest. Mommsen, Marburg, 1893 ; Bruns, Fontes iuris Romani antiqui, I, Tübingen, 1909, pp. 115-116, n. 23 ; Rotondi, Leges publicae populi romani, Milano, 1912, pp. 443-445 ; Biondi in Acta Divi Augusti, Roma, 1945, pp. 166-198 ; Wenger, Die Quellen des römischen Rechts, Wien, 1953, pp. 192, 495 and 810 ; Astolfi, St. Volterra, III, Milano, 1969, pp. 671-694 ; Astolfi, SDHI, 39 ,1973, pp. 187-238 ; Brunt, Italian Manpower, Oxford, 1987, pp. 558-566 ; Astolfi, La lex Iulia et Papia, 4 th ed., Padova, 1996 ; Crawford, Roman Statutes, I, London, 1996, pp. 801-809, n. 64 ; Badel, La noblesse de l'Empire romain : Les masques et la vertu, Seyssel, 2005, p. 305 ; Mihailescu-Bîrliba, Les affranchis dans les provinces romaines de l'Illyricum, Wiesbaden, 2006, p. 17 ; Hernández Guerra in Gonzalès, La fin du statut servile ? : Affranchissement, libération, abolition. Hommage à Jacques Annequin, Besançon, 2008, p. 334.