| LEX
FANNIA SUMPTUARIA ( 161 BC ) |
|
Macrobius, Sat., III, 17 ( Von Jan, Quedlinburg-Leipzig, 1852 ). |
|
4. De
hac lege Sammonicus Serenus ita refert : Lex Fannia, sanctissimi
Augusti, ingenti omnium ordinum consensu pervenit ad populum :
neque eam praetores aut tribuni, ut plerasque alias, sed ex omnium bonorum
consilio et sententia ipsi consules pertulerunt, cum res publica ex
luxuria conviviorum maiora quam credi potest detrimenta pateretur, siquidem
eo res redierat, ut gula inlecti plerique ingenui pueri pudicitiam et
libertatem suam venditarent, plerique ex plebe Romana vino madidi in
comitium venirent, et ebrii de rei publicae salute consulerent. 5. Haec
Sammonicus. Fanniae autem legis severitas in eo superabat Orchiam legem,
quod in superiore numerus tantummodo coenantium cohibebatur, licebatque
secundum eam unicuique bona sua inter paucos consumere, Fannia autem
etiam sumptibus modum fecit assibus centum : unde a Lucilio poeta
festivitatis suae more centussis vocatur. |
| Gellius, II, 24 ( Marache, Paris, 2002 ). |
3. Sed
post id senatus consultum lex Fannia lata est, quae ludis Romanis,
item ludis plebeis et Saturnalibus et aliis quibusdam diebus, in singulos
dies centenos aeris insumi concessit decemque aliis diebus in singulis
mensibus tricenos, ceteris autem diebus omnibus denos. 4. Hanc
Lucilius poeta legem significat, cum dicit : |
| Fanni centussis misellus. |
5. In
quo errauerunt quidam commentariorum in Lucilium scriptores, quod putauerunt
Fannia lege perpetuos in omne dierum genus centenos aeris statutos.
6. Centum enim aeris Fannius constituit,
sicuti supra dixi, festis quibusdam diebus eosque ipsos dies nominauit,
aliorum autem dierum omnium in singulos dies sumptum inclusit intra
aeris alias tricenos, alias denos. |
 |