| LEX
CLODIA FRUMENTARIA ( 58 BC ) |
|
Cicero, Sest., 25 ( Cabaret-Dupaty, Paris, 1919 ). |
| 55. Sed
ut a mea causa iam recedam, reliquas illius anni pestis recordamini
— sic enim facillime perspicietis quantam uim omnium remediorum
a magistratibus proximis res publica desiderarit — legum multitudinem,
cum earum quae latae sunt, tum uero quae promulgatae fuerunt. nam latae
quidem sunt consulibus illis — tacentibus dicam ? immo uero
etiam adprobantibus ; ut censoria notio et grauissimum iudicium
sanctissimi magistratus de re publica tolleretur, ut conlegia non modo
illa uetera contra senatus consultum restituerentur, sed (ab) uno gladiatore
innumerabilia alia noua conscriberentur, ut remissis senis et trientibus
quinta prope pars uectigalium tolleretur ... |
| |
 |