| LEX CALPURNIA
DE REBUS REPETUNDIS ( 149 BC ) |
| Cicero, Brut., 27, 106 ( Richard, Paris, 1934 ). |
| ... L. enim
Piso tribunus plebis legem primus de pecuniis repetundis Censorino et
Manilio consulibus tulit... |
| Cicero, Caec. ( Cabaret-Dupaty, Paris, 1919 ). |
|
5. (17) Reliquum
est iam ut illud quaeramus, cum hoc constet, Siculos a me petisse, ecquid
hanc rem apud uos animosque uestros ualere oporteat, ecquid auctoritatis
apud uos in suo iure repetundo socii populi Romani, supplices uestri,
habere debeant. de quo quid ego plura commemorem ? quasi uero
dubium sit quin tota lex de pecuniis repetundis sociorum causa constituta
sit ...
. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . 20. (65) etenim cum lex ipsa de pecuniis repetundis sociorum atque amicorum populi Romani patrona sit, iniquum est non eum legis iudicique actorem idoneum maxime putari quem actorem causae suae socii defensoremque fortunarum suarum potissimum esse uoluerunt. ... |
| Cicero, de off., II, 21 ( Testard, Paris, 2002 ). |
| 75. Nondum
centum et decem anni sunt cum de pecuniis repetundis a L. Pisone
lata lex est, nulla antea cum fuisset. |
Cicero, Verr. II, 2 ( Nisard, Paris, 1840 ). |
| 6. (15) ... At
enim istum Siculi soli persequuntur : ciues Romani qui negotiantur
in Sicilia defendunt, diligunt, saluum esse cupiunt. Primum, si ita
esset, tamen uos in hac quaestione de pecuniis repetundis, quae sociorum
causa constituta est lege iudicioque sociali, sociorum querimonias audire
oporteret. |
Cicero, Verr. II, 3 ( Nisard, Paris, 1840 ). |
| 84. (195) Cum
tibi senatus ex aerario pecuniam prompsisset et singulos tibi denarios
adnumerasset quos tu pro singulis modiis aratoribus solueres, quid facere
debuisti ? si quod L. Piso ille Frugi, qui legem de pecuniis
repetundis primus tulit ... |
Cicero, Verr. II, 4 ( Gueroult, Paris, 1924 ). |
| 25. (56) Sunt
uestrum aliquam multi qui L. Pisonem cognorint, huius L. Pisonis,
qui praetor fuit, patrem. Ei cum esset in Hispania praetor, qua in prouincia
occisus est, nescio quo pacto, dum armis exercetur, anulus aureus quem
habebat fractus et comminutus est. Cum uellet sibi anulum facere, aurificem
iussit uocari in forum ad sellam Cordubae et palam appendit aurum ;
hominem in foro iubet sellam ponere et facere anulum omnibus praesentibus.
Nimium fortasse dicet aliquis hunc diligentem; hactenus reprehendet,
si qui uolet, nihil amplius. Verum fuit ei concedendum ; filius
enim L. Pisonis erat, eius qui primus de pecuniis repetundis legem
tulit. |
 |