LEX ANTIA SUMPTUARIA
   
( 70-68 BC )
 

     
Macrobius, Sat., III, 17 ( Von Jan, Quedlinburg / Leipzig, 1852 ).
  

 
13. Sylla mortuo Lepidus consul legem tulit et ipse cibariam : Cato enim sumptuarias leges cibarias appellat. Dein paucis interiectis annis alia lex pervenit ad populum ferente Antio Restione : quam legem, quamvis esset optima, obstinatio tamen luxuriae et vitiorum firma concordia nullo abrogante inritam fecit. Illud tamen memorabile de Restione latore ipsius legis fertur, eum quoad vixit foris postea non recoenasse, ne testis fieret contemptae legis quam ipse bono publico pertulisset.
 

     
Gellius, II, 24 ( Marache, Paris, 2002 ).
  

 
13. Lex deinde Antia praeter sumptum aeris id etiam sanxit, ut qui magistratus esset magistratumue capturus esset, ne quo ad cenam, nisi ad certas personas, itaret.
 

Traduction française