LEX IUNIA DE TARQUINIIS EXILIO MULTANDIS
  
( 510 BC )


     
Livius, I, 59 De Clercq, Bruxelles, 2001 ).
  

 
11. His atrocioribusque, credo, aliis, quae praesens rerum indignitas haudquaquam relatu scriptoribus facilia subicit, memoratis incensam multitudinem perpulit, ut imperium regi abrogaret exulesque esse iuberet L. Tarquinium cum coniuge ac liberis.
 

     
Livius, II, 1 Nisard, Paris, 1864 ).
  

 
2. Quae libertas ut laetior esset, proxumi regis superbia fecerat. Nam priores ita regnarunt, ut haud inmerito omnes deinceps conditores partium certe urbis, quas nouas ipsi sedes ab se auctae multitudinis addiderunt, numerentur.
 

     
Cicero, de rep., II ( Nisard, Paris, 1841 ).
  

 
25, 46. ... quo auctore et principe concitata ciuitas et hac recenti querella Lucretiae patris ac propinquorum, et recordatione superbiae Tarquinii multarumque iniuriarum et ipsius et filiorum, exulem et regem ipsum et liberos eius et gentem Tarquiniorum esse iussit.
  
31, 53. ... hac mente tum nostri maiores et Conlatinum innocentem suspicione cognationis expulerunt, et reliquos Tarquinios offensione nominis ...

 

     
Tacitus, Annales, XI ( Burnouf, Paris, 1859 ).
  

 
22. ... sed quaestores regibus etiam tum imperantibus instituti sunt, quod lex curiata ostendit ab L- Bruto repetita. mansitque consulibus potestas deligendi, donec cum quoque honorem populus mandaret. creatique primum Valerius Potitus et Aemilius Mamercus sexagesimo tertio anno post Tarquinios exactos ....
 

     
Digesta, I, 2 ( Mommsen & Krueger, Berlin, 1954 ).
  

 
2. (3) Exactis deinde regibus lege tribunicia omnes leges hae exoleverunt iterumque coepit populus Romanus incerto magis iure et consuetudine aliqua uti quam per latam legem, idque prope viginti annis passus est.
. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
2. (16) Exactis deinde regibus consules constituti sunt duo: penes quos summum ius uti esset, lege rogatum est: dicti sunt ab eo, quod plurimum rei publicae consulerent. ...
 

  
►  Bibliography
 
 
Bertolini, I celeres e il tribunus celerum, Roma, 1888, pp. 51 ss. ; Lange, Römische Alterthümer, I, Berlin, 1876, p. 569 ; Pacchioni, Corso di diritto Romano, I, p. 40, n. 3 ; Rotondi, Leges publicae populi romani, Milano, 1912, p. 189.
 
 
  
Links : Livius I, 59-60  /  II, 1-15  |  Cicero, de rep., II  |  Tacitus, Annales, XI, 22.
  


Traduction française