DECRETUM EPHESIORUM DE DIANA EPHESIA
 
Decree of demos and boule making month of Artemision holy
      
( AD 162-164 )
 
 
( H. Wankel, Die Inschriften von Ephesos, Ia, Bonn, 1979, n. 24B ).
  
 
[ἔδ]οξεν τῆς πρώτης καὶ με[γίστης] | [μητρ]οπόλεως τῆς Ἀσίας καὶ δὶς νεωκ̣[όρου τῶν] | [Σεβα]σ̣τῶν καὶ  φιλοσεβάστου  Ἐφε̣[σίων  πόλεως]  |  [τῇ  βο]υλῇ  καὶ  τῷ  δήμῳ  περὶ  ὧν  εἰσηγή̣[σατο]  |  [. . . Λ]αβέριος Ἄμοινος φιλοσέβαστος, ὁ γραμμ[ατεὺς] | [τοῦ δ]ή̣μου· ἐπεψήφισαν δὲ οἱ στ[ρ]ατηγοὶ τῆς | πόλεως φιλοσέβαστοι· | [ἐπειδὴ ἡ π]ροεστῶσα τῆς πόλεως ἡμῶν θεὸς Ἄρτε[μις] | [οὐ μόνον] ἐν τῇ ἑαυτῆς  πατρίδι τ̣ε̣ιμᾶται, ἣν ἁ[πασῶν] | [τῶν πόλεων] ἐνδοξοτέραν διὰ τῆς ἰδίας θειότητ[ος πεποίη]-|[κεν, ἀ]λλὰ καὶ παρ̣ὰ̣ [Ἕλλησίν τε κ]α̣ὶ̣ [β]α̣ρ̣β̣ά̣ρ̣[ο]ις, ὥ[στε παν]-|ταχοῦ ἀνεῖσθαι αὐτῆς ἱερά τε κα[ὶ τεμένη, ναοὺς δὲ] | αὐτῇ τε εἱδρύσθαι καὶ βωμοὺς αὐτῇ ἀνακεῖσθαι διὰ | τὰς ὑπ’ αὐτῆς γεινομένας ἐναργεῖς ἐπιφανείας, | καὶ τοῦτο δὲ μέγιστον τοῦ περὶ αὐτὴν σεβασ-|μοῦ ἐστιν τεκμήριον, τὸ ἐπώνυμον αὐτῆς | εἶναι μῆνα καλούμενον παρ̣’ ἡ̣[μ]ῖν μὲν Ἀρτεμισ[ι]-|ῶνα, παρὰ δὲ Μακεδόσιν καὶ τοῖς λοιποῖς ἔθνεσιν | τοῖς Ἑλληνικοῖς καὶ ταῖς ἐν αὐταῖς πόλεσιν | Ἀ̣ρτεμίσιον, ἐν ᾧ μηνὶ πανηγύρεις τε καὶ ἱερο-|μηνίαι ἐπιτελοῦνται, διαφερόντως δὲ ἐν̣ [τῇ] | ἡμετέρᾳ πόλει τῇ τροφῷ τῆς ἰδίας θεοῦ τῆς Ἐφ[εσί]-|ας, προσῆκον δὲ εἶναι ἡγούμενος ὁ δῆμος [ὁ] | Ἐφεσίων ὅλον τὸν μῆνα τὸν ἐπώνυμον τοῦ θ̣[είου] | ὀνόματος εἶναι ἱερὸν καὶ ἀνακεῖσθαι τῇ θεῷ | ἐδοκίμασεν διὰ τοῦδε τοῦ ψηφίσματος [διατιθέ]-|ναι τὴν περὶ αὐτοῦ θρησκείαν· διὸ δεδόχ[θαι] | [ὅ]λον τὸν μῆνα τὸν Ἀρτεμισιῶ̣να εἶνα[ι ἱερὸν πάσας] | [τ]ὰς ἡμέρας, ἄγεσθαι δὲ ἐπ’ αὐταῖς μην[ός τε καὶ] | [δι’] ἔτ̣ους τὰς ἑορτὰς καὶ τὴν τῶν Ἀρτεμ[ισίων πανή]-|[γ]υριν καὶ τὰς ἱερομηνίας, ἅτε τοῦ μηνὸς ὅ[λου ἀνακειμέ]-|ν̣ου τῇ θεῷ· οὕτω γὰρ ἐπὶ τὸ ἄμεινον τῆς [θεοῦ τιμωμέ]-|[ν]ης ἡ πόλις ἡμ[ῶν ἐ]νδοξοτέρα τε καὶ εὐδ[αιμονεστέρα] | εἰς τὸ[ν ἅπα]ντα διαμενεῖ χ[ρόνον.]
 

 
►  Bibliography
 
 
Boeckh et al., Corpus Inscriptionum Graecarum, Berlin, 1828-77, n. 2954 ; Le Bas & Waddington, Voyage archéologique en Grèce et en Asie mineure..., III, n. 137 and 140 ; Waddington, Fastes des provinces asiatiques de l'Empire romain depuis leur origine jusqu'au règne de Diocletien, Paris, 1872, n. 147 ; Wood, Discoveries at Ephesus : Including the site and remains of the great temple of Diana, London, 1877, pp. 21 and 47 ; Hicks, The Collection of Ancient Greek Inscriptions in the British Museum, III, n. 482b ; Dittenberger et al., Sylloge inscriptionum Graecarum, 3rd ed., Leipzig, 1915-24, n. 867b ; Sokolowski, Lois sacrées de l'Asie Mineure, Paris, 1955, n. 31 ; Woodhead et al., Supplementum Epigraphicum Graecum, XV, Leiden, 1958, n. 696 ; Rougemont, BCH, 97, 1973, p. 86 ; Pritchett, The Greek State at War, III, Berkeley-Los Angeles-London, 1979, pp. 12-13 ; Wankel, Die Inschriften von Ephesos, Ia, Bonn, 1979, n. 24B ; Maurizio, MEFRA, 95, 1983, p. 497 ; Strelan, Paul, Artemis, and the Jews in Ephesus, Berlin-New York, 1996, p. 47 ; Harland, Associations, synagogues, and congregations : Claiming a place in ancient Mediterranean society, Minneapolis, 2003, p. 111 ; Vaage, Religious rivalries in the early Roman Empire and the rise of Christianity, Waterloo, 2006, p. 47.
 
 
►  Source : Inscription discovered at Ephesus, Turkey.