| LEX
ATILIA MARCIA DE TRIBUNIS MILITUM ( 312 BC ) |
|
|
|
Livius, IX, 30 ( Corpet-Verger & Pessonneaux, Paris, 1904 ). |
Itaque
consules, qui eum annum secuti sunt, C. Iunius Bubulcus tertium
et Q. Aemilius Barbula iterum, initio anni questi apud populum
deformatum ordinem praua lectione senatus, qua potiores aliquot lectis
praeteriti essent, negauerunt eam lectionem se, quae sine recti prauique
discrimine ad gratiam ac libidinem facta esset, obseruaturos et senatum
extemplo citauerunt eo ordine qui ante censores Ap. Claudium et
C. Plautium fuerat. Et duo imperia eo anno dari coepta per populum,
utraque pertinentia ad rem militarem : unum, ut tribuni militum
seni deni in quattuor legiones a populo crearentur, quae antea perquam
paucis suffragio populi relictis locis dictatorum et consulum ferme
fuerant beneficia – tulere eam rogationem tribuni plebei
L. Atilius C. Marcius ... |
|
 |