| EDICTUM
CONSULIS DE BACCHANALIBUS Edict of the Consuls on the Bacchanalia ( 186 BC ) |
|
Livius, XXXIX, 17 ( Nisard, Paris, 1864 ). |
| 1. Recitari
deinde senatus consulta iusserunt, indicique praemium proposuerunt,
si quis quem ad se deduxisset nomenue absentis detulisset. 2. qui
nominatus profugisset, diem certam se finituros, ad quam nisi citatus
respondisset, absens damnaretur. si quis eorum, qui tum extra terram
Italiam essent, nominaretur, ei laxiorem diem daturos, si uenire ad
causam dicendam uellet. 3. edixerunt
deinde, ne quis quid fugae causa uendidisse neue emisse uellet ;
ne quis reciperet, celaret, ope ulla iuuaret fugientes. |
| |
  |