EPISTULA PROCONSULIS LYCIAE ET PAMPHYLIAE AD SIDYMEOS
 
Letter of the Proconsul concerning the formation of a Gerusia
      
( AD 185-192 )
 
 
( E. Kalinka, Tituli Asiae Minoris, II, 1, Wien, 1920, n. 175 ).
  
 
ἐπὶ  ἀρ̣χ̣ιερέος  τ[ῶν  Σεβα]στῶν  Διογέν̣[ου]ς  γʹ τοῦ Μητροδώρου Δείου βʹ εἰσηγησ[α]μένου τοῦ γρα̣μ-|ματέως τῆς βο̣[υλῆς Δ]η̣μοσθένους το[ῦ Ἀν]δροβίου ἐπιψηφισαμένου δὲ τοῦ ἱερέος τῶν Σεβαστῶν Ἀλεξάν-|δρου τοῦ Λύσων̣[ος]· ἐπεὶ διὰ τοὺς [εὐ]τ̣υχεστάτους καιροὺς τοῦ θειοτάτου Αὐτοκράτορος Καίσαρος | [[ [Μάρκου Αὐρηλίου Κομμόδου Ἀντωνείνου] ]] Σεβαστοῦ Εὐσεβοῦς Εὐτυχοῦς καὶ διὰ τὴν τοῦ κρατίστου | ἀνθυπάτου Γάι̣ου̣ Πομπωνίου Βά[σ]σου Τερεντιανοῦ περὶ τὰς πόλεις αὔξησιν καὶ ἡ ἡμετέρα | πόλις ἐψηφίσατο σύστημα γερον̣τ̣ικὸν κατὰ τὸν νόμον ἐννόμου βουλῆς καὶ ἐκλησίας ἀγομέ-|νης, ἔδοξεν γραφῆναι ψήφισμα τῷ κρατίστῳ ἀ̣νθυπάτῳ δι’ οὗ παρακλ̣ηθῆναι καὶ αὐτὸν συνεπικυρῶσαι | τὴν τῆς βουλῆς καὶ τοῦ δήμου κρίσιν δι’ ἃ τύχῃ ἀγαθῇ δεδόχθαι Σιδυμέων τῇ βουλῇ καὶ τῷ δήμῳ | συνγεγράφθαι τόδε τὸ ψήφισμα, ὃ κ.[.]αὶ {καὶ} ἀναδοθῆναι αὐτῷ ὑπὸ τοῦ ἀξιολογωτάτου Λυκιάρχου πολεί-|του ἡμῶν Τι(βερίου) ∙ Κλ(αυδίου) ∙ Τηλεμάχου Ξαν[θ]ίου καὶ Σιδυμέος· Πομπώ(νιος) Βάσσος ἀνθύ(πατος) Σιδυμέων | ἄρχουσι βουλῇ δήμῳ  χαίρειν·  τὰ  καλῶς  γεινόμενα  ἐπαινεῖσθαι  μᾶλλον  προσ-|ήκει  ἢ  κυροῦσθαι·  ἔχει  γὰρ τὸ βέβαιο[ν] ἀφ’ ἑαυτῶν· ἐῤῥῶσθαι ὑμᾶς εὔχομαι. ἐκομίσθη ἐπὶ τοῦ αὐτοῦ | Λυκιάρχου Ἀπελλαίου κγʹ, ἐνεγράφη ὑπὸ Εὐέλθοντος τοῦ καὶ Εὐτυχέους Τελεσίου Σιδυμέος | γυμνασιαρχήσαντος τῆς γερουσίας [π]ρώτου.
 

 
►  Bibliography
 
 
Cagnat, Inscriptiones Graecae ad Res Romanas Pertinentes, III, Paris, 1906, n. 582 ; Chapot, La province romaine proconsulaire d'Asie, Paris, 1914, pp. 216 ss. ; Kalinka, Tituli Asiae Minoris, II, 1, Wien, 1920, n. 175 ; Abbott & Johnson, Municipal Administration in the Roman Empire, Princeton, 1926, pp. 440-441, n. 114 ; Balland, Fouilles de Xanthos, VII, Paris, 1981, pp. 228-229 and 283 ; Sheppard, Anatolian Studies, 31, 1981, pp. 19-27 ; Wörrle, Stadt und Fest im kaiserzeitlichen Kleinasien : Studien zu einer agonistischen Stiftung aus Oinoanda, München, 1988, p. 109 ; Sherk, ZPE, 93, 1992, pp. 225 and 246 ; Dmitriev, City government in Hellenistic and Roman Asia minor, Oxford, 2005, pp. 175, 191 and 401 ; Engelmann, ZPE, 154, 2005, pp. 181-182 ; Kernos, 21, 2008, p. 239.
 
 
►  Source : Inscription found at Sydima, Turkey.