| ~ NOV.
XCIII ~ DE APPELLATIONIBUS. ( AD 540 ) |
( Based upon the Latin text of Schoell and Kroll's edition ). ~ Text submitted by Dr. Ingo Maier ~ |
| Imp. Iustinianus Aug. Iohanni pp. secundo ex consule ordinario atque patricio. |
<Praefatio> Subiectorum
nostrorum interpellationes legum nobis praebent occasiones pro salute
subditorum conscribendarum Aditionem namque nobis quidem patronus fecit,
quia lege volente appellantem et per biennium tacentem. aut certe exercentem
quidem non tamen perexequentem appellationum cadere certaminibus et
confirmata sententia non posse ulterius procedere, sed ratam fieri utrique
sententiam Hisychium autem et adversarios eius exercuisse quidem litem
apud pedaneum iudicem, addictum autem eundem Hisychium appellasse; et
causam contigit recurrere ad tuam cognitionem, et dum lis in iudicio
tuae celsitudinis exercetur, recessisse quidem a certaminibus apud te
gestis, arbitros autem elegisse communes ex scripto et apud illos concurrisse
et quaedam exercuisse; postea vero neglexisse quidem electos arbitros,
non autem persecutos apud eos motam litem, sed transacto biennio uti
adversarios eius. quia non possit a condemnato exerceri in tuo iudicio
talis lis, sed oporteret eam confirmari semel biennio transacto; illum
vero propterea non perexecutum apud tuam gloriam, eo quod litem apud
electos diceret arbitros. |
| CAPUT I. |
Sancimus
igitur memoratum quidem negotium, ex quo haec nobis nuntiata sunt, nihil
laedi ex cursu temporis, neque ratam esse iudicis sententiam semel appellatione
data, sed perexerceri apud tuam gloriam et terminem legitimum suscipere,
etiamsi decies milies plus quam biennii tempus excessit aut excedat.
Deinceps autem in omni negotio, in quo tale aliquid agitur et in medio
motae causae apud appellationis iudicem aut non motae aliqui eligantur
alii, et propterea biennium transeat, intra quod oporteat appellationis
iudices litem decidere, et per quamlibet circumstantiam rursus revertatur
iterum ad iudices appellationis causa, aliis quidem omnibus liceat uti
partibus, tamquam si eos non contigisset deserere quidem appellationis
iudicium, ad electos autem venisse, non tamen posse uti quod biennium
praeteriit. Nam qui semel iudices alios elegit, non est iustum ut taciturnitatem
culpet eius qui propterea laesus est, quia his quae gesta sunt de electione
iudicem credidit et ideo non est executes neque complevit litem illic,
eo quod apud iudices illos sit exercitatum negotium. |
<Epilogus> Haec
igitur in omni negotio servari apud tuum forum volumus et <ab>
omni alio, ubi secundum appellationis iudicatur schema, quatenus nihil
iniuste circa nostros subiectos agatur. Si vero etiam postquam deseruerint
electos iudices biennii transeat tempus, tunc confirmari sententiam
secundum constitutiones de hoc factas a nobis. Quod etiam deinceps in
omnibus futuris secundum hos modos negotiis valere volumus, aliis omnibus,
quae de appellationis certaminibus priscis dicta sunt legibus et a nobis
in legum conscripta codicibus, in propria virtute manentibus. Dat. VIII. kal. Iunias CP. imp. dn. Iustiniani pp. Aug. anno XIIII. Iustino viro clarissimo consule. |
| |