| ~ NOV.
LXXVII ~ UT NON LUXURIETUR CONTRA NATURAM NEQUE IURETUR PER CAPILLOS AUT ALIQUID HUIUSMODI NEQUE BLASPHEMETUR IN DEUM. ( AD 538 ? ) |
( Based upon the Latin text of Schoell and Kroll's edition ). ~ Text submitted by Dr. Ingo Maier ~ |
| Idem Aug. Constantinopolitanis. |
<Praefatio> Omnibus
hominibus qui recte sapiunt manifestum esse putamus, quia omne nobis
est studium et oratio, ut crediti nobis a domino deo bene vivant et
eius inveniant placationem, quoniam et dei misericordia non perditionem
sed conversionem et salutem vult, et delinquentes qui corriguntur suscipit
deus. Propter quod omnes invitamus dei timorem in sensibus accipere
et invocare eius placationem, et novimus quia omnes qui deum diligunt
et eius misericordiam sustinent hoc faciunt. |
| CAPUT I. |
Igitur
quoniam quidam diabolica instigatione comprehensi et gravissimis luxuriis
semetipsos inseruerunt et ipsi naturae contraria agunt, et istis iniungimus
accipere in sensibus dei timorem et futurum iudicium et abstinere ab
huiusmodi diabolicis et illicitis luxuriis, ut non per huiusmodi impios
actus ab ira dei iusta inveniantur et civitates cum habitatoribus earum
pereant. Docemur enim a divinis scripturis, quia ex huiusmodi impiis
actibus et civitates cum hominibus pariter perierunt. 1. Et quoniam quidam ad haec quae diximus et blasphema verba et sacramenta de deo iurant deum ad iracundiam provocantes, et istis iniungimus abstinere ab huiusmodi blasphemis verbis et iurare per capillos et caput et his proxima verba. Si enim contra homines factae blasphemiae impunitae non relinquuntur, multo magis qui ipsum deum blasphemat dignus est supplicia sustinere. Propterea igitur omnibus huiusmodi praecipimus a praedictis delictis abstinere et dei timorem in corde percipere et sequi eos qui bene vivunt. Propter talia enim delicta et fames et terrae motus et pestilentiae fiunt, et propterea admonemus abstinere ab huiusmodi praedictis illicitis, ut non suas perdant animas. Sin autem et post huiusmodi nostram admonitionem inveniantur aliqui in talibus permanentes delictis, primum quidam indignos semetipsos faciunt dei misericordia, post haec autem et legibus constitutis subiciuntur tormentis. 2. Praecepimus enim gloriosissimo praefecto regiae civitatis permanentes praedictis illicitis et impus actibus et post haec nostram admonitionem et comprehendere et ultimis subdere suppliciis, ut non ex contemptu talium inveniatur et civitas et respublica per hos impios actus laedi. Si enim et post hanc nostram suasionem quidam tales invenientes hos subtercelaverint, similiter a domino deo condemnabuntur. Et ipse enim gloriosissimus praefectus in invenerit quosdam tale aliquid delinquentes et vindictam in eos non intulerit secundum nostras leges, primum quidem obligatus erit dei iudicio, post haec autem et nostram indignationem sustinere. |
| |
 |