| ~ NOV.
LVI ~ UT EA QUAE VOCANTUR INSINUATIVA SUPER CLERICIS IN MAIORI QUIDEM ECCLESIA DENTUR, IN ALIIS AUTEM ECCLESIIS PENITUS NON DENTUR. ( AD 537 ) |
( Based upon the Latin text of Schoell and Kroll's edition ). ~ Text submitted by Dr. Ingo Maier ~ |
| Imp. Iustinianus Aug. Menae archiepiscopo regiae civitatis Constantinopolis. |
<Praefatio> A
plurimis aditiones suscipientes hanc legem dirigere ad tuam beatitudinem
iustum aestimavimus. Qui enim ordinantur a tua reverentia clerici in
sanctissimis ecclesiis (absque tamen sanctissima maiore ecclesia) omnium
patiuntur crudelissima, non suscipientibus eos illic clericis ante quam
quantum voluerint accipiant aurum. Et novamus haec ex frequentibus aditionibus
de hoc factis nobis. |
| CAPUT I. |
Sancimus
igitur beatitudinem tuam hoc validissime custodire, et si quid quidem
consuetudo est dare eos qui ordinantur in sanctissima maiore ecclesia,
hoc eos praebere (nihil enim de his quae dantur in sanctissima maiore
ecclesia novamus), praeterea vero in aliis omnibus nulli in eis clericorum
licentiam esse penitus pro his quae vocantur insinuativa aliquid ferre.
Sed si quis tale aliquid egerit, illum quidem privari sacerdotio, in
illius autem officium introire qui missus est, et hanc eum avaritiae
ferre mercedem. Custodire vero haec etiam deo amantissimos ecclesiae
defensores sanctissimae maioris ecclesiae, poenam formidantes decem
librarum auri, si quid horum neglexerint. Sed gratis omnia procedere:
domini etenim dei functiones et ministeria non per venditionem neque
per mercationem fieri aliquam volumus, sed pure et citra redemptionem.
Sic enim rei digni fient, nulla venditione ac mercatione facienda. |
<Epilogus> Tua
igitur beatitudo et qui post eam in pontificalibus accesserit sedibus,
quae a nobis ordinata sunt et per hanc sacram declarata sunt legem,
operi effectuique tradere festinet. Dat. III. nonas Nov.CP.imp.dn.Iustiniani pp. Aug. anno XI., p. c. Belisari v. c. anno II. ind. I. |
| |