| ~ NOV.
CXXXVIII ~ DE USURIS SUPER DUPLUM NON CONPUTANDIS. ( AD ? ) |
( Based upon the Latin text of Schoell and Kroll's edition ). ~ Text submitted by Dr. Ingo Maier ~ |
| Imp. Iustinianus pp. Aug. Hermogeni magistro officiorum. |
Manifestissima
est nostri numinis constitutio, quae usque ad dupli quantitatem exactionem
debiti concludit Si igitur creditores tui quidam in duplum acceperunt,
alii adhuc minus consecuti sunt, hi quidem qui in duplum ex usurarum
quantitate per diversa tempora consecuti sunt, nullam adversus te inquietudinem
proponere concedantur, alii autem, si simili modo repleti fuerint, eo
modo silere conpellantur; et si debita sua consecuti fuerint, feneraticias
cautiones recuperari, vel si remanserint, suis viribus vacare, si preces
verae sunt, praesentis oraculi sanctione decernimus. |
| |