~  APP. VI  ~    ( AD 552 )

( Based upon the Latin text of Schoell and Kroll's edition ). ~   Text submitted by Dr. Ingo Maier   ~

(Imp.) Flavius Iustinianus Alamannicus Gothicus Francicus <Germanicus> Anticus <Alanicus> Uuandalicus Africanus pius felix inclitus victor ac triumphator semper Augustus Paulo pp. Africae.

Peruidimus scribere tuae magnitudini, ut neminem de colonis qui temporibus Uuandalorum de possessione egressi sunt et inter liberos commorati sunt, iterum attrahi et ad colonatus condicionem iterum reduci; quia volumus eos sicut temporibus Uuandalorum erant, sic et modo sint. Insuper autem de cetero quicumque suam contempserint terram et ad alienam se ducere voluerint, eos restituere iubemus.

Dat. VIII. id. Septembris Constantinopoli imp. dn. Iustiniani <pp.> Aug. <anno XXVI.> post cons. Fl. Basilii anno XI. indictione prima.