~  APP. V  ~    DE METAXA    ( AD ? )

( Based upon the Latin text of Schoell and Kroll's edition ). ~   Translated from the Greek   ~

Oportet metaxam commerciarios a barbaris emere quindecim solidis libram et rursus vendere metaxariis aut ceteris non pluris puram sine sphecomate aut alia appendice aut sordibus. Si quis autem qui non est commerciarius a barbaris emat quid metaxamque inde importet, potest eam auferre commerciarius et emptor bonis ademptis in perpetuum expellitur. Sin autem commerciarius aut metaxarius supra dictam quantitatem vendat ematve, similiter vindicatur.

Oportet autem talium negotiatores vades dare praefecturae urbis, se non clam sed publice vendere omnia quaecunque vendunt; puniuntur enim. Oportet autem secundum haec fisci rationibus inferri a comite largitionum omnis holoserici pretium quod ab eo fisco datur. Emptor autem qui supra statutum dare coactus est litem intendit venditori et duplum reposcit; tum enim venditor quae dicta sunt patietur.