Rescriptum de litis contestatione et de edendo ( Krueger )

RESCRIPTUM SEVERI ET CARACALLAE DE LITIS CONTESTATIONE ET DE EDENDO

Rescript of Septimius Severus and Caracalla concerning the "litis contestatio"

( AD 202 )

Codex Iustinianus ( Krueger, Berlin, 1954 ).

III, 9, 1

Impp. Severus et Antoninus AA. Valenti. Res in iudicium deducta non videtur, si tantum postulatio simplex celebrata sit vel actionis species ante iudicium reo cognita. Inter litem enim contestatam et editam actionem permultum interest. Lis enim tunc videtur contestata, cum iudex per narrationem negotii causam audire coeperit. D. k. Sept. Severo III et Antonino AA. conss.
. . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

II, 1, 3

Impp. Severus et Antoninus AA. Valenti. Edita actio speciem futurae litis demonstrat, quam emendari vel mutari licet, prout edicti perpetui monet auctoritas vel ius reddentis decernit aequitas. D. III k. Sept. Severo III et Antonino AA. conss.