EPISTULA CONSTANTINI ET LICINII
   
DE PRIVILEGIIS MILITUM ET VETERANORUM
  
Letter of Constantine I and Licinius on soldiers' and veterans' privileges
   
( June 9, AD 311 )
 

 
( P. F. Girard & F. Senn, Les lois des Romains, Napoli, 1977, pp. 496-498, n. 24 ).
 

 
          Exempl(um) sacra(rum) litterarum. |
          Have Dalmati carissime nobis! |
         Cum in omnibus, pro devotione ac laboribus suis, militum nostrorum commodis | adque utilitatibus semper consultum esse cupiamus, in hoc etiam, dispo|sitionum nostrarum provisione, eiusdem militibus nostris consulendum | esse credidimus Dalmati carissime, unde intuentes labores eorundem mili|tum nostrum, quos pro reipub(licae) statu et commodis, adsiduis discursibus sustinent, | providendum ac disponendum esse credidimus, ut et militiae suae tempore iucundis laborum | suorum fructibus ex nostra provisione se perfrui gaudeant et pos[t] militiam quiaeto otio et congrua securitate | potiantur. Itaque devotioni tuae significandum esse credidimus, ut idem milites nostri militiae quidem | suae tempore quinquem capita iuxta statutum nostrum ex censu adque a prestationibus sollemnibus | annonariae pensitationis excusent ; eademque immunia habeant adque cum completis stipendiis legitimis | honestam missionem idem fuerint consecuti ; sed et hii qu(i) licet post viginti stipendia adeque honestam missionem | adepti fuerint, ab annonario titulo duo kapita excusent, id est tam suum quam etiam uxoris suae ; si quis forte ex preli | vulnere causarius fuerit effectus, etiam si intra viginti stipendia ex ea causa rerum suarum vacationem | fuerit consecutus, ad beneficium eiusdem indulgentiae nostrae pert(i)niat ita, ut suum et uxoris | suae kaput excuset, adque ut omni modo tum quietis suae securitati, quam etiam commodis co|nsultum provisionis nostrae beneficio idem milites gratulentur. Licet eiusmodi antehac | consuetudo fuerit, ut plurimi homines simul honestam missionem a duce perciperent, penes | actarium missoria permanente, exempla sibi singuliquique exciperent, tamen volu|mus, ut cum vel honestam vel ca(u)sariam, sicuti supra dictum est, missionem milites consecun|tur, singuliquique specialem a duce in personam suam accipiant missionem, quo probatione | veritatis ac fidei aput permanente securitate stabili at firmissima perfruantur. Pervidet | sane dicatio tua, eos, qui dilicti sui gratia dimittuntur, ad beneficium legis eiusdem pertinere | non posse, cum utriusque rei ratione haberi oporteat, ac vitae probabilis instituta adquae | honestam missionem. Sed et merit[a m]ilitiae premia a nobis condigna percipere conve(ni)at, ut et | eiusdem indulgentiae nostrae beneficio perpetuo idem milites perpetuo perfruantur | ac sempiterna dispositionis nostrae provisio obtineat firmitatem, volumus teno|rem huius indulgentiae nostrae describtum per singulaqueque castra aput signa in ta|bula aerea consecrari, quo ta[m] legionarii milites, quam etiam equites in vexillationi|bus constituti Inlyriciani, sicuti similis laboris militiae suae sustinent, ita | etiam provisionis nostrae similibus conmodis perfruantur. Et manu divina | vale Dalmati carissime nobis |
          Divo   Maximiano   VIII   [et   DN   Maximino   Aug(usto)   iterum   p(atri) p(atriae) p(ro)co(n)s(uli)] co(n)s(ulibus), (ante diem) IIII Idus Iunias Serdica.
One can read on the edge of the table :
           Imp(erator) Caes(ar) Fla(uius) Val(erius) Constantinus p(ius) f(elix) in(uictus) Aug(ustus) p(ontifex) m(aximus)   tri(bunicia)   p(otestate)   VII   imp(erator)   VI   co(n)s(ul)   p(ater)   p(atriae)   p(ro)co(n)sul et Imp(erator)   Caes(ar)   Val(erius)   Lici(nianus)   Licinius   p(ius)   f(elix)   in(uictus)   Aug(ustus) p(ontifex) m(aximus) tri(bunicicia) p(otestate) IIII imp(erator) III co(n)s(ul) p(ater) p(atriae) p(ro)co(n)s(ul).
 


►  Bibliography
 
 
Paulovics, A Szönyi törvénytábla (La Table de privilèges de Brigetio), Budapest, 1936 ; AE 1937, n. 6, 103, 158 and 232 ; Merlin, JS, 1937, pp. 33 ss. ; Seston, Byzantion, 12, 1937, pp. 211 ss. and 477 ss. ; Seston, REA, 39, 1937, pp. 197 ss. ; AE 1938, n. 69 ; Riccobono, FIRA I, Firenze, 1941, pp. 455-458, n. 93 ; Deléage, La capitation du Bas-Empire, 1945 ; AE 1947, n. 44 ; AE 1949, n. 256 ; Egger, Anz. Akad. Wiss. Phil. hist. Kl., 1949, pp. 1-26 ; AE 1951, n. 27 and 118 ; van Berchem, L'armée de Dioclétien et la réforme constantinienne, Paris, 1952, pp. 81 ss. ; AE 1953, n. 240 ; AE 1954, n. 39 ; AE 1955, n. 114 ; Lot, Nouvelles recherches sur l'impôt foncier et la capitation personnelle sous le Bas-Empire, Paris, 1955 ; Seston, REL, 34, 1955, pp. 395 ss. ; AE 1956, n. 258 ; Stein, Histoire du Bas-Empire, I, Paris, 1959, p. 457, n. 130 ; Bourne, Coleman-Norton & Johnson, Ancient Roman Statutes, Austin, 1961, p. 238, n. 301 ; Girard & Senn, Les lois des Romains, Napoli, 1977, pp. 496-498, n. 24 ; AE 1980, n. 707 ; Campbell, The Roman army (31 BC-AD 337) : A sourcebook, London-New York, 1994, pp. 241 ss. ; AE 1995, n. 32 ; Chausa Sáez, Veteranos en el África romana, Barcelona, 1997, p. 55 ; Williams, Diocletian and the Roman recovery, London-New York, 1997, p. 251 ; Le Bohec & Wolff, L'armée romaine de Dioclétien à Valentinien Ier, Lyon, 2004, p. 73 ; Schmidt-Hofner, Reagieren und Gestalten : Der Regierungsstil des spätrömischen Kaisers am Beispiel der Gesetzgebung Valentinians I, München, 2008, p. 266.
 
 
►  Source : Bronze tablet discovered near Szöny, Hungary, in 1930.