RESCRIPTUM GORDIANI DE REI VINDICATIONE     Rescript of Gordian III concerning the recovery of property     ( February 12, AD 239 )

Codex Iustinianus, III, 32 ( Krueger, Berlin, 1954 ).

5.

Imp. Gordianus A Herasiano. Domum, quam ex matris successione ad te pertinere et ab adversa parte iniuria occupatam esse ostenderis, praeses provinciae cum pensionibus quas percepit aut percipere poterat et omni causa damni dati restitui iubebit. 1. Eius autem quod impendit rationem haberi non posse merito rescriptum est, cum malae fidei possessores eius quod in rem alienam impendunt, non eorum negotium gerentes quorum res est, nullam habeant repetitionem, nisi necessarios sumptus fecerint : sin autem utiles, licentia eis permittitur sine laesione prioris status rei eos auferre. PP. II id. Febr. Gordiano A. et Aviola conss.