TRES EPISTULAE ANTONINI PII AD CORONENSES ET THISBENSES
   
Letters of Antoninus Pius concerning encroachments on the territory of Coronea
  
( AD 140-155 )
 
    
( W. Dittenberger, Inscriptiones Graecae, VII, Berlin, 1892, n. 2870 ).
 
 
(I)
[—————————————————————————————————— δί]-|καιον,   ὁπότε   ὑμεῖς   οὐκ [ἐ]πείθεσθε τοῖς κριθεῖσιν, ἀλλὰ εἰσῄειτε εἰς τὴν ἐκείνων χώραν̣, | κἀκείνους ἰς τὸ μὴ περ[ι]ορᾶν ὑμᾶς νέμοντας τρέπεσθαι. πόσον δέ ἐστιν τὸ ὀφειλόμε̣-|νον τέλος ἢ τίνα εἰσὶν ἃ κατεσχήκασιν ὑμῶν Κορωνεῖς ἐνέχυρα, Ἀριστώνυμος | ὁ αὐτὸς κρινεῖ. εὐτυχεῖτε.
(II)
Αὐτοκράτωρ Καῖσαρ, θεοῦ Ἁδριανοῦ υἱός, θεοῦ Τραϊανοῦ Παρθι-|κοῦ υἱωνός, θεοῦ Νέρουα ἔκγονος, Τίτος Αἴλιος Ἁδριανὸς Ἀντωνεῖνος Σεβαστός, ἀρχιερεὺς μέγιστος, | δημαρχικῆς ἐξουσίας τὸ γ, ὕπατος γ, πατὴρ πατρίδος, Κορωνέων τοῖς ἄρχουσι καὶ τῇ βουλῇ καὶ τῷ δή-|μῳ χαίρειν· καὶ τοῦ θεοῦ πατρός μου δικαίως μεμνημένοι καὶ τῆς ἐμῆς ἀρχῆς κατὰ τὸ προσῆκον | ἐπῃσθημένοι καὶ ὑπὲρ τοῦ υἱοῦ μου προθύμως συνηδόμενοι πρέποντα Ἕλλησιν ἀνθρώποις ποιεῖ-|τε. ἐπρέσβευεν Δημήτριος Διονυσίου, ᾧ τὸ ἐφόδιον δοθήτω, εἰ μὴ προῖκα ὑπέσχετο· εὐτυχεῖτε. |
(III)
Αὐτοκράτωρ Καῖσαρ, θεοῦ Ἁδ[ρι]ανοῦ υἱός, θεοῦ Τραϊανοῦ Παρθικοῦ υἱωνός, θεοῦ Νέρουα ἔκγονος, Τί-|τος Αἴλιος Ἁδριανὸς Ἀντωνε̣[ῖ]νος Σεβαστός, ἀρχιερεὺς μέγιστος, δημαρχικῆς ἐξουσίας τὸ ιη, αὐτο-|κράτωρ τὸ β, ὕπατος τὸ δ, πατὴρ πατρίδος, Κορωνέων τοῖς ἄρχουσι καὶ τῇ βουλῇ καὶ τῷ δήμῳ χαί-|ρειν·  τῆς  ἀποφάσεως ἣν ἐ[π]οιησάμην μεταξὺ ὑμῶν καὶ Θισβέων ἀντίγραφον ὑμεῖν ἔπενψα, ἐ-|πέστειλα δὲ καὶ Μεστρίῳ Ἀρισ[τ]ωνύμῳ ἀπομετρῆσαι τὰ πλέθρα Θισβεῦσιν, ἃ προσέταξεν αὐτοῖς ὁ | θεὸς πατήρ μου παραδοθῆ[ναι], τῆς δὲ ἔξωθεν χώρας εἴ τινα Θισβεῖς ἐπινέμοιεν πείθοντες ὑμᾶς, | δώσουσι μὲν νόμιον τέλο̣[ς, ἂ]ν̣ δὲ καὶ ἀποδῶσιν, ὅσον ἂν ὑπὲρ τοῦ χρόνου τοῦ παρελθόντος ὀφ[εί]-|λειν   αὐτοὺς   κριθῇ,   δηλονότ̣[ι]   ὑμεῖς   τὰ   ἐνέχυρα αὐτοῖς ἀποδώσετε. ἐπρέσβευον Αἴλιος Γλύκω[ν] | καὶ Διονύσιος Διονυσοδώρου, ο̣[ἷς τὸ] ἐφόδιον δοθήτω, εἰ μὴ προῖκα ὑπέσχηνται. εὐτυχεῖτε.
 

 
►  Bibliography
 
 
Latyschev, BCH, 5, 1881, pp. 452-461 ; Dittenberger, Inscriptiones Graecae, VII, Berlin, 1892, n. 2870 ; Abbott & Johnson, Municipal Administration in the Roman Empire, Princeton, 1926, pp. 424-425, n. 104 ; Bourne, Coleman-Norton & Johnson, Ancient Roman Statutes, Austin, 1961, pp. 209-210, n. 255 ; Fossey, Euphrosyne, 11, 1981-82, pp. 50-51 ; Pleket & Stroud, Supplementum Epigraphicum Graecum, XXXII, Amsterdam, 1982, n. 464-5 and 468 ; AE 1986, n. 638 ; Tréheux & Charneux, BCH, 112, 1988, p. 361 ; Oliver, Greek Constitutions of Early Roman Emperors from Inscriptions and Papyri, Philadelphia, 1989, pp. 253 ss. ; Pouilloux & Lévêque, Dialogues d'histoire ancienne, 21, 1995, p. 223 ; Maganzani, Gli agrimensori nel processo privato romano, Roma, 1997, p. 45 ; Cancik & Hitzl, Die Praxis der Herrscherverehrung in Rom und seinen Provinzen, Tübingen, 2003, p. 217 ; Lassère, Manuel d'épigraphie romaine, I, Paris, 2005, p. 424.
 
 
►  Source : Inscription found at Koroneia, Boeotia, Greece, in 1881.